வாழ்த்துகள் விஜய குருநாத சேதுபதி

(இந்த ராசா எப்பப் பார்த்தாலும் தத்துவமே சொல்றாப்லன்னு நினைக்க வேண்டாம். அதிலிருந்து சற்றுமாறி இதோ ஒரு ரசிகனாய் என் மனம் கவர்ந்த நாயகனுக்கு எழுதியது)

கத்தியில் கில்லியாடுவோர் முன்னே
கத்திக்கத்தி வீரம்காட்டுவோர் முன்னே
தென்றலாய் நடுவில் வந்து
தென்மேற்குப் பருவக்காற்றாகி
ப்ப்பா.......
நானும் ரவுடிதான்னு
நடைபோடும் நாயகனே...
நீ மக்களின் நாயகனே..

அலட்டாத தோரணையில்
ஆர்ப்பரிக்கா பாவனையில்
இயல்பான பேச்சில்
ஈர்ப்புள்ள நடையில்
உயிர்ப்புள்ள நடிப்பில்
ஊக்கமிகு துடிப்பில்
எளிமையான உடையில்
ஏற்றமுள்ள படங்கள் தந்து
ஐயமில்லாது வெற்றி பெரும்
ஒரு நடிகனாய்... இல்லை இல்லை
ஓரே நடிகனாய் வலம் வரும்
ஔதாரியமிக்க நாயகனே...நீ
மக்களின் நாயகனே

வாழ்த்துகள் விஜய குருநாத சேதுபதி
வாழ்க வளமுடன்

#சீதக்காதி_வெற்றிபெற_வாழ்த்துகள்

✍️செ. இராசா