செ.இராசா
#ஜெயிப்போம் ஜெயிப்போம் ஜெயிப்போம்
ஜெயிப்போன்டா- நாம
ஜெயிப்போம் ஜெயிப்போம் ஜெயிப்போம்
ஜெயிப்போன்டா....
ஏய்...
போராட்டம் போராட்டம் நம்மோட போராட்டம்
போராட்டம் வென்றாலே பாரெல்லாம் பாராட்டும்
தூக்கி ஏத்தி விடுனா வரமாட்டான்
தாக்கி தள்ள உடனே வந்திடுவான்
முட்டி மோதி வந்தா சிரிச்சிடுவான்
பட்டி தொட்டி எல்லாம் பேசிடுவான்
சாதி பேதம் சொல்லி தடுத்திடுவான்- நீ
சாதி பின்னர் சாதி மறந்திடுவான்!
கூறு போட்டு கேட்க மறுத்திடுவான்- நீ
கூறும் சேதி பின்னர் கேட்டிடுவான்!
உள்ளே உள்ளம் தூங்கும் சிங்கமுடா
உசுப்பி விட்டாப் பாரு பங்கமுடா
நல்ல நல்ல எண்ணம் போதுமடா
நம்ம வாழ்க்கை மாறும் நம்பனுன்டா
போட்டி போட்டா யாரும் போடட்டுன்டா
நமக்கு நாமே என்றும் போட்டியடா..
நாட்டில் இங்கே கோடி மக்களடா..
நாளை ஏன்டா...இன்றே ஜெயிப்போன்டாசெ.இராசா
செருப்பு பிஞ்சிடும் என்று
செருக்கோடு சொல்வோரை
எப்படிச் சொல்லலாமென
எகிறிக் குதிப்பவரா நீங்கள்...
சற்று பொறுங்கள்...
செருப்பென்றால் இழிவா என்ன ?
ஒன்றா இரண்டா
பதினான்கு வருடங்கள்..
அயோத்தியை அலங்கரித்ததே
அந்த சீதாராமனின் செருப்புதானே...?!!
அட
இன்றைக்கும் கூட
இலங்கை ஜெயராஜ் ஐயா வீட்டின்
பூஜையறையை அலங்கரிப்பதே
குரு இராதாகிருஷ்ணனின் செருப்புதானே...?!
செருப்பு....
கல்லும் முள்ளும் குத்தியபோதும்
கத்திரி வெய்யில் கொளுத்தியபோதும்
கற்கால மனிதன் கண்டறிந்த
கால்களின் கவசமே செருப்பு
மரமாய்..
மாட்டுத்தோலாய்
நெகிழியாய்..
இரப்பராய்...
இப்படி எப்படி எப்படியோ மாறினாலும்
இன்னும் குணம் மாறாக் குன்றாய்
என்றும் தாங்கும் நண்பனாய்
கீழிருந்து தாங்குவதே செருப்பு
குளியலறைக்கு ஒன்றும்
படுக்கையறைக்கு ஒன்றுமாய்
காலணிகள் பல கொண்டோர்
கண்டிருக்க வாய்ப்பில்லைதான்
.
போத்தலைப் பொத்தல்போட்டும்
சாக்கினைச் சுற்றிக்கொண்டும்
எப்படியோ சமாளிக்கும்
ஏழையர்க்கேப் புரியும்...
செருப்பு..வெறும் செருப்பல்ல- அது
கொப்பளிக்கும் கால்களுக்கு ஏசி என்று...
அவசர நேரத்தில்
அறுந்து போயிருந்தாலோ
தேவையான இடத்தில்
தொலைந்து போயிருந்தாலோ தெரியும்
செருப்பு..வெறும் செருப்பல்ல- அது
தத்தளிக்கும் கால்களுக்கு நாசி என்று...
இனியும்....
செருப்பு பிஞ்சிடும் என்று
செருப்பை இழிவு படுத்தாதீர்....
இப்படிக்கு,
செருப்பாய்....
செ. இராசமாணிக்கம்
அத்தினாபுரமே
அறுத்து விட்ட போதும்
இந்திரபிரஸ்தம் கட்டி
எழுந்து நின்ற பாண்டவரை
போற்றிட எண்ணாமல்
தூற்றிய கௌரவரின்
அழுக்காற்றுத் தீயாலே
அழிந்தது சுற்றமன்றோ?!!
கியூபாவோ..
கிழக்காசியாவோ..
எங்கெல்லாம் முடியுமோ
அங்கெல்லாம் சென்று
வளர்ச்சி பிடிக்காமல்
வம்பிழுக்கும் ஆந்தையரின்
பொறாமைத் தீயாலே
பொசுங்குவது புவனமன்றோ?!
ஆம்...
தனிமனிதனோ தேசமோ..
பொறுமை வாழ்த்தும்
பொறாமை வீழ்த்தும்
போற்று...
போற்றப்படுவாய்...
வாழ்த்து
வாழ்த்தப்படுவாய்...
வாழ்க வளமுடன்!
#பிறரைப்_போற்று
#வள்ளுவர்_திங்கள்_137
சூதைத் தடைசெய்யும் சூத்திரம் கண்டதுபோல்
போதைத் தடைசெய்வீர் போற்றிடுவர் யாவருமே!
பாதைத் தடம்மாறி பள்ளத்தில் வீழ்வோரின்
பாதையை மாற்றுவீர் பார்த்து!
#பாராட்டுகள்_முதல்வரேசெ.இராசா
#மான்
மான் என்று சொன்னதுமே
மனக்கண்முன் பாய்வது
மான் மட்டுமா என்ன?!
அம்மானில் மோகம் கொண்ட
பெம்மான்களும் தானே..?!!
ஆம்....
மேயாத மானைத் தேடிய
முருகப் பெருமான் முதல்
மேய்ந்த மானைத் தேடிய
சல்மான் கான் வரை
எம்மானாய் இருந்தாலும்
மான் என்றால் மோகம் தானோ ?!
ஆமாம்...
மாய மானாய் மாறி
மாயமானானே மாரீசன்...
அவனேன் அன்று
ஏதோவோர் விலங்காய் மாறாமல்
எதற்காகப் புள்ளிமானாய் மாறினான்..?!!
அஃதே. ...
கலவிய மான்களைக் கொன்று
கலவிசாபம் பெற்றானே பாண்டு
அவனேன் அன்று
ஏதோவோர் விலங்கைக் கொல்லாமல்
எதற்காகக் கூடியமானைக் கொன்றான்?
மயிர் நீப்பின் வாழா கவரிமான்போல்
உயிர் நீப்பர் என்கிறாரே வள்ளுவர்
அந்த சாதுவான மான்
அப்படிச் சாகுமா என்ன?!!
உண்மையில்..
மானுக்கும் மானுடனுக்கும் என்ன சம்பந்தம்?
தொல் பொருள் ஆய்வில் எல்லாம்
தோண்ட தோண்ட வருகிறதே
அந்த மான்சின்னம்
ஒருவேளை....
மானிடன் அதிகமாய் வாழ்ந்தது
மானுடன் தானா? எனில்
மானிடம் மாறியதெங்கே?
மானிடன் மாறியதாலா?!
எல்லாம்...
அந்த மானுக்கே வெளிச்சம்...!!!
செ. இராசமாணிக்கம்
செ.இராசா
#குறளுரையாடல்
#கற்பனை_உரையாடல்
#ஈற்றுச்சீர்_சொல்
#ஊடல்
#பெண்
உன்னருகில் நானிருக்க ஓயாமல் 'வா'என்றாய்
நின்கனவில் வந்ததுயார் சொல்?
(1)
#ஆண்;
என்னநீ உன்போக்கில் ஏதேதோ சொல்கின்றாய்
என்னென்ன சொன்னேனோ சொல்?
(2)
#பெண்;
சும்மா நடிக்காமல் சொல்லுங்கள் யாரென்று
ரம்பாவா ரம்யாவா சொல்?!
(3)
#ஆண்;
அடச்சே இதுயென்ன அக்கால பேர்கள்
நடப்புப் பெயர்களாய்ச் சொல்!
(4)
#பெண்;
மனசுல நீரென்ன மாதவனா சூர்யாவா?!
கனவுல வந்ததுயார் சொல்?!
(5)
#ஆண்;
அடயேம்பா நீவேற அத்தானப் போயி..
சுடலாமா இப்படிச் சொல்
(6)
#பெண்;
சும்மா மழுப்பியே சொல்லுவதைச் சொல்லாமல்
வம்பை இழுப்பதுயார் சொல்?!
(7)
#ஆண்:
ஐயோ முடியலையே ஆண்டவா என்னிறைவா
ஐயாநீ எங்கிருக்காய்ச் சொல்?!
(8)
#சிவன்;
சின்ன விடயத்திற்கே சீப்பட வேண்டுமா?!
வந்தது நானெனச் சொல்!
(9)
#பார்வதி;
யாமிங்கே வீற்றிருக்க யாரிடம் சென்றீர்கள்
சாமியே சீக்கிரம் சொல்?!
(10)
ஆண்:.....?!!!
(ஐயோ சாமி ஆளை விடுங்கள்)செ.இராசா
இறைவனுக் கிடையில் எதற்கய்யாத் தரகர்?
இறைவனின் உடையில் ஏனய்யா நடிகர்?!
மறைபொருள் அறியா மதக்கடைக் கணக்கர்
மறையருள் அறிவா மனிதனுக் கருள்வர்?
நிறைகுடம் என்றும் சிந்துமா சொல்லு
குறைகுடம் தானே குதித்திடும் தள்ளு
இறையிடம் என்றும் உன்மனம் நம்பு
கறையின்றி நீயும் கழுவிட எண்ணு
அறத்தால் ஈட்டிடும் பொருளால் இன்பம்
அறிந்திட வேண்டும் அறமே தெய்வம்...
பிறப்பால் பிரிக்கும் பெயரா புனிதம்?!
சிறப்பால் சேர்க்கும் செயலே யாவும்!
உன்னுள் என்னுள் எங்கும்
......ஓடும் குருதி சொல்லும்
அன்றும் இன்றும் யாவும்
......ஆதிக் குருதிச் சொந்தம்
நீயும் நானும் யாரும்
.....நிற்கும் சாட்சி ரூபம்
தீயும் நீரும் யாவும்
...... தெய்வம் தந்த மூலம்செ.இராசா
அன்றைய சேக்கிழாரால் ஆலயத்தில் நாயன்மார்
இன்றைய சேக்கிழாரால் எங்கெங்கும்
பாவலர்மார்
என்றைக்கும் சேக்கிழார்கள் ஏற்றிவிடும் ஏணியைப்போல்
தன்மையால் நிற்கின்றார் பார்!செ. இராசா
செ. இராசமாணிக்கம்
வந்துவிழும் வெள்ளொளியால் வானவில்லின் வர்ணம்போல்
வந்தவிந்தை ஆராய்ந்தால் நாம்
(1)
உன்னிலும் என்னிலும் ஓடுகின்ற செங்குருதி
என்றேனும் மாறிடுமா சொல்?
(2)
கருவறையில் தங்குகின்ற காலத்தை நீட்டும்
ஒருவருமே இல்லை உணர்
(3)
கல்லறைக்குப் போகின்ற காலத்தை நீக்குகின்ற
வல்லோர்கள் யாரிங்கே சொல்?
(4)
கட்சித் தலைவன்போல் கண்டபடி பேசவா
இட்டம்போல் செய்தீர் இறை?
(5)
நாக்கிலா? தோளிலா? வந்தவழி தாயிலா?!
போக்கிலாப் பொய்கள் பொசுக்கு
(6)
அப்பப்பா போதும்பா அள்ளிவிட வேண்டாம்பா
தப்பப்பா தீண்டாமைத் தீ
(7)
நம்பினால் ஆத்தீகர்! நம்பாதார் நாத்தீகர்!
தன்னினத்தை ஏய்ப்பவர் யார்?
(8)
புண்படுத்திப் புண்படுத்திப் போர்க்களம் ஆக்காமல்
பண்பட்டப் புத்தியில் நில்
(9)
ஆட்சியர் ஆனாலும் ஆசிரியர் ஆனாலும்
காட்டுகின்ற செய்கையால் காண்
(10)செ. இராசமாணிக்கம்
#அனைவரும்_சமம்
#வள்ளுவர்_திங்கள்_136
#விவசாயி_நிலை
அடகுவச்சு அடகுவச்சு
...அங்க இங்க கடனவச்சு
ஆத்தாடி என்ன சொல்ல
...ஆன கதை ஒன்னுமில்லை
ஆத்தாடி என்ன சொல்ல
...ஆன கதை ஒன்னுமில்லை
உழுதவன் கணக்குப் பார்த்தா
.....ஒழக்குகூட மிஞ்சாதாம்
ஊருல சொல்லயில...
......உண்மையிலே ஏறவில்லை
உழுவோர் உழுதாத் தான்
.....ஒலகுக்கே புழப்பாமாம்
ஒலகுன்னு சொல்லயில...
.....ஏனய்யா நாங்கயில்லை
ஒலகுன்னு சொல்லயில...
.....ஏனய்யா நாங்கயில்லை
முதன்முதலாய் செஞ்ச தொழில்
....முதலிழந்து போனாலும்
முதலாய் ஓடிவந்து
...முட்டுதர யாருமில்லை
அடச்சே...போடான்னு..
....அசலூரு போயிடலாம்
ஐயோ...... என்ன செய்ய?!
....ஆவியெல்லாம் கொல்லையில
ஐயோ...... என்ன செய்ய?!
....ஆவியெல்லாம் கொல்லையில..செ.இராசா
அன்பு நண்பர் பாடகர் Ganesh Kannan ஐயா கேட்டுக்கொண்டதற்கிணங்க உருவானது.
விவசாயிகளின் நிலை மாற வேண்டும் இறைவா
