செ. இராசா
என்னதான் நம் தமிழரின் பாரம்பரிய இசைக்கருவி #பறை
என்று பறை சாற்றினாலும், அனைத்துத் தமிழ் கலாச்சார நிகழ்வுகளிலும் அதைத்
தொடர்ந்து வாசித்தாலும் இன்னும் பறைமேல் உள்ள எதிர்மறைக் கருத்துகள்
மறைந்தபாடில்லை என்பதைக் கண்கூடாகக் காண்கிறோம் உறவுகளே....
தற்சமயம் #பறையை
சாவுக்கு வாசிப்பதில்லை என்றே சபதம் எடுத்துத்தான் அனைவரிடத்திலும்
சொல்லிக் கொடுக்கின்றார்கள் என்றாலும் அக்கருவியையும் அந்த இசையையும்
தவறாகக் கருதும் மனப்போக்கு இன்னும் இருப்பதை மாற்றும் விதமாகத்தான் நான்
அதைப் முடிந்தவரை பயன்படுத்த முயல்கிறேன் உறவுகளே....
#தப்பு #கொட்டு
என்று எதிர்மறைச் சொற்களால் அழைக்கப்படும் இப்பறையானது மாட்டுத்தோலால்
செய்யப்பட்டுள்ளது என்று வாதம் வைக்கும் அன்புச் சகோதரர்களே, மத்தளம்,
மிருதங்கம், தபேலா......எல்லாம் மனிதரின் தோலிலா செய்யப்படுகிறது? அதுவும்
மாட்டுத்தோலில்தான் செய்யப்படுகிறது. பிறகு அவைகள்மட்டும் எப்படி
கோவிலுக்குள் செல்கிறது?! (யோசியுங்கள்)
அட... எனக்கு நேற்று ஒரு
நண்பர் நரம்புக் கருவி பற்றி பாடம் எடுக்கிறார் பாருங்கள்.... அப்பப்பா
வியந்து போனேன் போங்க. அதெல்லாம் ஏன்?...பறையைத் தூக்கி வைத்துவிட்டு
அதைப்போய் படிக்கவாம். உறவுகளில்கூட சிலர் இதை இன்னும் அமங்கலக் கருவியாகப்
பார்ப்பதையும் அறிவேன். ஆகா.... இதெல்லாம் எப்படி இவ்வளவு ஆழமாகப்
பதிந்தது?!!
ஒரு நான்கு வருடங்களுக்கு முன்பாக நடந்த ஒரு நிகழ்வைப்
பகிர்கிறேன் உறவுகளே... கத்தாரில் ஓர் தமிழ் நிகழ்வின்போது பறை வாசித்துக்
கொண்டிருந்தார்கள். அச்சமயம் ஊரில் இருந்துவந்த ஒரு பையனை அந்நிகழ்விற்கு
அழைத்துச் சென்றிருந்தேன். பறையிசை கேட்ட அந்த நிமிடமே அவன் உள்ளே
வரத்தயங்கினான். என்னவென்று விசாரித்தபோது, அது என்னவோ ஒரு அருவருப்பாக
உள்ளதென்றான். புரிகிறதா?!..
ஆதித்தமிழன் வாசித்த பறையை ஒரு சாதியக்
கருவியாக மாற்றியதால் ஏற்பட்ட விளைவும் அதன் தாக்கமும் இன்னமும் மாறவில்லை
என்பதை நாம் எப்போது உணரப்போகின்றோம்?!
நான் பறையிசை பற்றி எழுதிய ஓர் பாடலில் பறையின் வகைகளை இப்படி அடுக்கியிருப்பேன்...
குறிஞ்சிப்பறை முல்லைப்பறை
மருதப்பறை நெய்தல்பறை பாலைப்பறை
அரிப்பறை ஆறெறிப்பறை
வெற்றிப்பறை வெறியாட்டுப்பறை
வெருப்பறை வெட்டியான்பறை
குரும்பறை குறவைப்பறை
கோட்பறை கொடுகொட்டிப்பறை
சாப்பறை சாக்காட்டுப்பறை
தலைப்பறை தமுக்குப்பறை
தொண்டகப்பறை சூசிகப்பறை
பம்பைப்பறை பன்றிப்பறை
திடும் திண்டிமம் தண்ணம் தம்பட்டம்
தக்கை தப்பட்டை திமிலை படலை
முரசம் நசாளம் பண்டார மேளம்
தக்களி மத்தளி கரடிகை தாளம் காகளம் வீராணம்........
இத்தனை
வகைப் பறைகள் ஏன் வாசித்தனர் என்று தெரியுமா?!... அதற்குப் பின்னணியில்
உள்ள ஜீவகாருண்யம்/ இசை ரகசியங்கள்/ மருத்துவ குறிப்புகளைப் படித்துப்
பாருங்கள். பிறகு சொல்லுங்கள்....நாம் இழந்த பறையிசையை இன்னும் ஒதுக்கி
வைக்க வேண்டுமா இல்லை ஒவ்வொரு வீட்டிலும் வைத்துப் போற்ற வேண்டுமா
என்று.....
இப்படிக்கு,செ. இராசா
#பல்லவி
குளு குளு ஏசி
கூலிங் பீரு ஓசி
இங்கே வந்தா....எல்லாமே ஈஸி..
அடி தூளு ஹாட்டு
அல்ட்ரா மாடர்ன் டேஸ்டு
கொஞ்சம் வந்தா...போடலாம் டான்சு..
#சரணம்
வொர்க்கிங் ஹவர்ஸ் நீண்டதால செம ஜாலி..
வைஃபுக்கிட்ட சொல்லிடலாம் ஐயம் இன் ஜோலி...
ட்வல் ஹவர்ஸும் பத்தலைன்னா இன்னும் கூட்டு...
ஒன்டே டெஸ்டு மேட்சைப்போல வேணும் டேஸ்டு....
போரடிச்சா வந்திடலாம் மேரேஜ் ஹாலு
போக வேணாம் மாமா இனி ஈஸிஆரு 
செ. இராசா
செ. இராசா 
செ. இராசா
செ. இராசா
செ. இராசா
செ. இராசா
செ. இராசா
செ. இராசா
செ. இராசா #கோபம்
கோபத்தின் உச்சத்தில் கொட்டுகின்ற வார்த்தைகள்
தூபமாய் சூழும் தொடர்ந்து
(1)
ஆத்திரத்தில் செய்கின்ற அத்தனை செய்கையும்
நேத்திரத்தை மூடும்; நினை!
(2)
மற்றவர்கள் செய்யும் மடத்தனச் செய்கைக்குக்
தற்கொலையா தீர்வு? தவிர்!
(3)
கோபமும் தீயும் குணத்தால் உறவைப்போல்
ஆபத்தாய் மாறலாம் ஆய்!
(4)
இதயத்தின் வேகம் இதமின்றி ஓடி
சிதைந்துவிடச் செய்யும் சினம்
(5)
சினமென்னும் தீயை சிதைத்திட வேண்டின்
மனதிற்குள் அன்புநீர் ஊற்று
(6)
சாதுவே கோபமுற்றால் சாமான்யன் என்னாவான்?!
தீதுதரும் கோபம் தவிர்!
(7)
கள்ளைப்போல் கோபமும் கைகால் தடுமாற
உள்ளிருந்தே வைக்கும் உணர்!
(8)
கோபமெனும் நஞ்சைக் குறைவாகக் கொண்டாலும்
ஆபத்தாய் மாறும் அது!
(9)
வெகுளியை விட்டால் விரையமாய்ப் போய்நற்
தகுதியின்றிப் போகும் தவம்!
(10)செ. இராசா
செ. இராசா
தமிழாலிவன் உருவானவன்
....தரமானவன் என்றே...
தமிழாளுமை குருவானவர்
....மொழிந்தார்பெயர் நன்றே!
புவியாவிலும் புகழோங்கிட
....புரிந்தான்செயல் என்றே..
கவியாள்பவர் குழுயாவிலும்
...கவிப்பார்குரல் ஒன்றே!
தலையேறிடா தலையாலிவன்
...தலையானவன் என்றே
கலையூறிய கலைஞானியர்
...கணித்தார்பலர் நன்றே!
புகழ்போதையில் தடம்மாறிடா
....புதிரானவன் என்றே...
இகம்யாவிலும் எடுப்பாரினி
.... இவன்பேரினை ஒன்றே...செ. இராசா
இருப்பின் அடையாளமாய்
இருப்பது மட்டுமல்ல;
இருந்ததன் அடையாளமாய்
இருப்பதும் நம் சொத்துக்கள்தான்!
பின்னோர் அனுபவிக்க
முன்னோர் தந்தது மட்டுமல்ல;
பின்னால் அனுபவிக்க
இன்நாள்நாம் சேர்ப்பதும் சொத்துக்கள்தான்!
இந்த சொத்துக்கள் தான் எத்தனை எத்தனை?!
அசையும் சொத்தென்பர்
அசையா சொத்தென்பர்.....
பரம்பரைச் சொத்தென்பர்..
பங்காளிச் சொத்தென்பர்..
உரிமைச் சொத்தென்பர்...
புறம்போக்குச் சொத்தென்பர்
தனியார் சொத்தென்பர்...
அரசாங்கச் சொத்தென்பர்..
ஆமாம்...
உணவுக்கே வழி இல்லார்க்கு
உரிமைகோர சொத்துண்டா என்ன??
உண்மைதான்...
இங்கே....
சொத்திருந்தால் செல்வர்
சொத்தில்லையேல் செல்வர்...
அது...நாடாயிருந்தாலும் சரி
தனி... ஆளாயிருந்தாலும் சரி
சொத்தை வைத்துதான் எல்லாம்....
உண்மையைச் சொல்லுங்கள்...
சொத்தென்றால் பொருளும் நிலமும்தானா?!
எனில் இலக்கியச்சொத்தை
எதில் சேர்ப்பது?
அது....
அகத்தில் எவரையும்
அசைக்கும் சொத்தல்லவா?
இகத்தில் பலரையும்
இசைக்கும் சொத்தல்லவா?!
மொழிவழி செல்லும்
இனத்தின் சொத்தல்லவா?!
இனவழி செல்லும்
சந்ததியின் சொத்தல்லவா??
ஆம்....
ஒன்றைப் புரிந்துகொள்ளுங்கள்..
சொத்துக்கள் அனுபவிக்கத்தான்
யாரும் அழிக்க அல்ல...
சொத்துக்கள் பெருக்கத்தான்
யாரும் கழிக்க அல்ல....
எனில் என்னசெய்யலாம்?!
பண்பாட்டுச் சொத்தை பாதுகாக்கலாம்
செந்தமிழ்ச் சொத்தை சீர்படுத்தலாம்
இலக்கணச் சொத்தை வளமாக்கலாம்
இலக்கியச் சொத்தைப் பெரிதாக்கலாம்...
அதெல்லாம் கிடக்கட்டும்
முதலில்..
நம் சொத்து யாதென்று
நாம் அறிவோமா?!
அதானே...
அதை அறியுங்கள் முதலில்
பின்னர் பிறமொழிபற்றி விவாதிக்கலாம்...செ. இராசா
செ. இராசாசெ. இராசாசலுகை உண்டா? என்றேன்....
சலுகை என்றால் என்ன என்றார்...
Offer Discount என்றேன்
அப்படி புரியிறமாதிரி தமிழ்ல சொல்லுங்க என்கிறார்...
வந்த வரவிற்கும்
.....வைத்துள்ள காசிற்கும்
முந்தைய மொய்க்கணக்கில் .
.....முட்டியதால்- வந்துள்ள
எந்திரம் மூலம்
.....இரசீது போடுகிற
விந்தைதான் இப்போ
.....விருந்து!செ. இராசா
(திருமணங்களில் மொய் வைத்தால் இரசீது தருகிறார்களாம்....
)
(விமானப் பயணத்தின் ஊடே தற்சமயம் கொழும்புவில் உள்ளபோது அருமையான மெட்டு ஒன்றிற்கு எழுதிய பாடலே இது)
#பல்லவி
என்றுமெம்மைக் காப்பவன் அல்லாஹ்
ஏழைகளின் காவலன் அல்லாஹ்
இம்மையிலே தேர்ந்திட இல்லையென ஈந்திட..
சிந்தையிலே ஏற்றிடும் இரமலான்...
எல்லையின்றி கொடுப்பவன் அல்லாஹ்...
இன்னலின்றி தடுப்பவன் அல்லாஹ்..
உண்மையிலே நின்றிட அண்ணல்வழி சென்றிட
சிந்தையினை மாற்றிடும் இரமலான்...
என்றுமெம்மைக் காப்பவன் அல்லாஹ்.
ஏழைகளின் காவலன் அல்லாஹ்.
#சரணம்
நோன்பு நோற்கும் மாதமே ரமலான்
ஆழ்ந்து நோக்கும் மாதமே ரமலான்
வாழும் காலம் போகுது தானே..
தீரும் முன்னே தெளிந்திடு நீனே...
வேதம் சொன்ன பாதையில் போனால்
யாவும் இங்கே வசப்படு...மே
ஞாலம் மீள காட்டிய வழியில்
நீயும் போக மாறிடும் வாழ்வே..
எண்ணம் போல வாழ்வே... வரம்தானே...
மனம் மாற வேண்டிடவா..
தந்தால் மட்டும் தானே...
வரும்தானே....வளம் கூட வேண்டிடவா..
லாஹி லாஹா இல்லல்லா
நல்வாழ்வைத் தா அல்லாஹ்
லாஹி லாஹா இல்லல்லா
நல்வாழ்வைத் தா அல்லாஹ்செ. இராசா
