தரிகிட தகதிமி நடராஜா

இதோ சைவத்திற்கும் ஒரு பாடல்
*******************************
தகதக தகதிமி தகதக தகதிமி
தகதக தகதிமி நடராஜா
தரிகிட தகதிமி நடராஜா (1x2)

தில்லையின் கூத்தனே நடராஜா- நீ
எல்லையில் லாதவன் நடராஜா
அணுவிலே அசைந்திடும் நடராஜா-நீ
அனைத்திலும் ஆடிடும் நடராஜா

இசைக்கின்ற இசையின்
இசையிலே இசைந்து
அசைவது மட்டுமா நடனம்?- இல்லை
இசைக்கா இசையிலும்
இசையினை இசைக்கிற
அசைவுள்ள ஆட்ட(மே)மும் நடனம்!

தாம்தூம் தாளத்தில்
தகதிமி ஜதியினில்
ஆடுதல் மட்டுமா நடனம்?- இல்லை
அடிக்கிற பறையினில்
இடிக்கிற இசையினில்
துடிக்கிற துள்ள(ளே)ளும் நடனம்!

நாயண மேளத்தில்
நாட்டிய சபையினில்
காட்டுதல் மட்டுமா நடனம்?- இல்லை
நாட்டினை விட்டவர்
காட்டினைத் தேடையில்
காட்டிடும் ஆட்ட(மே)மும் நடனம்!

 #மார்கழி மாதத்தில்
கானக சபையினில்
ஆடுதல் மட்டுமா நடனம்- இல்லை
#ஆடியில் ஆடிடும்
ஆலயம் கூடிடும்
ஆனந்த ஆட்டமும் நடனம்!

#ஜிகுஜிகு உடையினில்
விறுவிறு நடையினில்
அடிக்கிற கூத்தா நடனம்- இல்லை
#கிண்கிணி ஓசையில்
பொங்கிடும் ஆசையில்
வந்திடும் ஆட்டமே நடனம்!

தில்லையின் கூத்தனே நடராஜா- நீ
எல்லையில் லாதவன் நடராஜா
அணுவிலே அசைந்திடும் நடராஜா-நீ
அனைத்திலும் ஆடிடும் நடராஜா

✍️செ. இராசா
https://youtu.be/rJRAZsh9lUw