அழுக்கினைத் துடைத்தெறிய
ஆண்டவன் அருளியது
கண்ணீர்!
புண்பட்ட மனங்களின்
ரணங்களை குறைப்பது
கண்ணீர்!
இன்பத்தின் உச்சியிலே
இமைகளை நனைப்பது
கண்ணீர்!
மழலையின் கண்ணீர்- அது
மொழியின் ஆரம்பம்!
மங்கையின் கண்ணீர்- அது
சமூகத்தின் அவமானம்!
ஆண்களின் கண்ணீர்- அது
ஆற்றாமை அடையாளம்!
ஆயினும்;
அன்பின் கண்ணீர்- அது
இன்பத்தைக் கூட்டிவிடும்!
பரவசக் கண்ணீர்- அது
பக்தியைப் பெருக்கிவிடும்!
இடரின் கண்ணீர்- அது
துயரினைக் கழித்துவிடும்!
இரக்கத்தின் கண்ணீர்- அது
கருணையைக் காட்டுவிடும்
உடைந்துவரும் கண்ணீர்- அது
உள்ள(த்)தை பறைசாற்றும்!
பெருகிவரும் கண்ணீர்- அது
பெருந்துயரை வி(வ)ழிமொழியும்!
கண்ணீர் வழியட்டும்!
கண்ணீர் வழியட்டும்!
✍️செ. இராசா
No comments:
Post a Comment