“போங்கப்பா
நீங்க என்னோடு விளையாடுவதே இல்லை”
என்றக் கொஞ்சல் மொழியில்தான்
எத்தனை அர்த்தங்கள்?!!
“கேரம் போர்டெல்லாம்
ஒரு விளையாட்டாப்பா?”
என்ற வெள்ளந்தி வார்த்தையில்தான்
எத்தனை அர்த்தங்கள்?!
“அண்ணனோடு விளையாடுவதுபோல்
என்னோடு ஏனப்பா விளையாடவில்லை?!”
என்ற அதிர்ச்சிகரமான கேள்வியில்தான்
எத்தனை அர்த்தங்கள்?!
அர்த்தங்கள் புரிந்த அப்பா
அர்த்தமான அப்பாவாக
அன்றுதான் ஆயத்தமானார்...
#அன்பு_மகளோடு
உப்பு மூட்டை விளையாட.
✍️செ. இராசா
No comments:
Post a Comment