பாப்பா பாப்பா தமிழ் பாப்பா
பாடம் படிக்கும் தமிழ் பாப்பா
பிறமொழி படிப்பது சரி பாப்பா
பிறந்தமொழி விடுவது சரியாப்பா?
ஆங்கிலம் என்பதோர் மொழி பாப்பா
அதைநாம் கற்றிடல் நலம் பாப்பா
ஆயினும் தாய்மொழி தமிழ்தான்பா
அதைநாம் விடுவது சரியாப்பா?
அறம்பற்றி சொல்வது குறள் பாப்பா
அறிந்தால் உயருமுன் குரல் பாப்பா
ஔதாரியம் நிறைந்தது தமிழ் பாப்பா
ஔவையை விடுவது சரியாப்பா?
No comments:
Post a Comment