இதழகள் வெண்பாக்கள் (உதடுகள் ஒட்டாது குவியாது)

 #இதழகள்_வெண்பாக்கள்
#உதடுகள்_ஒட்டாது_குவியாது

(ம-ப-வ மற்றும் உ-ஊ-ஒ-ஓ-ஔ இனங்கள் வராது)

உ,ஊ,ஒ,ஓ,ஔ உயிர்களுடன்,
ப், ம், வ் மெய்களும் சேர்ந்து 8
ப்,ம்,வ் x 12 உயிர்கள் உறழ்ந்து 36
உ,ஊ,ஒ,ஓ,ஔ x 15மெய்யுடன்
உறழ்ந்து,(ப்,ம்,வ் நீங்கலாக) 75
ஆக 119.

இறையின் செயலாய் இசைந்திடக் கற்றே
நிறைநிலை என்றாகி நில்
(1)

கண்ணில் தெரிகின்ற காட்சிகள்; சட்டெனக்
கண்டிட கானல்நீர் காண்
(2)

கற்றாரைக் கற்றாரே கல்லாராய்க் காண்கையில்
கற்றிடார் கண்டிலார் கண்
(3)

ஆராய்ந் தறிந்த அரிய நிசத்தை
ஆராய்தல் நன்றா அறி!
(4)

எண்ணியதை நெஞ்சார எண்ணுகிற திண்ணியரைக்

கண்ணியராய்க் கண்டிடலாம் கேள்! 

(5)