#வாழ்க்கைச்_சக்கரம்

விதைகள் விருட்சமாவதும்
விருட்சம் விதைகள் தருவதும்;

வினைகள் விளைவாவதும்
விளைவு வினைகள் ஆவதும்;

படிப்பது படைப்பாவதும்
படைப்பது படிப்பினையாவதும்;

விழுவது உயர்வாவதும்
உயர்வது வீழ்ந்துவிடுவதும்;

மரபுகள் மதிப்பை இழப்பதும்
மறுபடி மரபே வெல்வதும்;

இயற்கை செயற்கை ஆவதும்
செயற்கை இயற்கை எய்வதும்;

இவை எல்லாமே..
காலத்தின் சக்கரத்தில்
ஞாலத்தின் ஊர்வலங்கள்....!!!

✍️செ. இராசா

#வாழ்க்கைச்_சக்கரம்