விக்டர்தாஸ்

அவர்பேசி நான் கேட்ட
அத்தனை நிமிடங்களும்
விலைபேசி கணக்கிட்டால்
அத்தனையும் வைரங்கள்...
அப்பப்பா என் சொல்வேன்
அத்தனையும் அற்புதங்கள்..

தொல்காப்பியத் தமிழ்தொட்டு
தொலைக்காட்சி தமிழ்வரைக்கும்
அத்தனையும் அண்ணனுக்கு
அத்துப்படி அத்துப்படி
அதனால்தான் ஆனேன் நான்
அவர்தமிழின் அடிபொடி

பத்துப்பாட்டும் எட்டுத்தொகையும்
பதினென் கீழ்கணக்கும்
சித்தரின் பாடல்களும்
கர்த்தரின் காவியமும்
அத்தனையும் அண்ணனுக்கு
அத்துப்படி அத்துப்படி
அதனால்தான் ஆனேன் நான்
அவர்தமிழின் அடிபொடி....

கவியரசர் கவிதைகளும்
பாரதியார் பாடல்களும்
கலைஞரின் சிலேடையும்
மலைக்க வைக்கும் செந்தமிழும்
அத்தனையும் கவிஞருக்கு
அத்துப்படி அத்துப்படி
அதனால்தான் ஆனேன்நான்
அவர்தமிழின் அடிபொடி

அன்னைத் தமிழ் பெற்றெடுத்த
அற்புதத் தலைமகனை
அன்புடன் நான் வேண்டிடவே
அணிந்துரை எழுதித்தந்தார்...
அவ்வுரை அழகு கண்டு
அப்படியே உறைந்துபோனேன்
அகமெல்லாம் நிறைந்துபோனேன்

மனமார்ந்த நன்றி அண்ணா..