கடன்பட்டார் நெஞ்சம்
கலங்கிடும் என்றார் அன்று!
கடன்அட்டை கொள்வதே (கிரெடிட் கார்டு)
கவுரவம் என்கின்றார் இன்று!
கடனில்லா வாழ்க்கையில்
களிப்புடன் வாழ்ந்தார் அன்று!
களிப்புடன் வாழவே
கடன்களை சுமக்கின்றார் இன்று!
வங்கியில் கடன் தந்தும்
வாங்கிட மறுத்தார் அன்று!
வங்கிக் கடன் வாங்க
வரிசையில் நிற்கின்றார் இன்று!
வாங்கிய கடன் அடைக்க
வாசலில் நின்றார் அன்று!
வாங்கிய கடன் கேட்டால்
வருத்தம் கொள்கின்றார் இன்று!
வருவதில் பங்கிட்டு
வாழ்ந்திடும் வாழ்வியல் அன்று!
கண்டதை வாங்கியே
கடன்படும் வாழ்வியல் இன்று!
#கடன்_அட்டை_தவிர்ப்போம்
#கடன்_இன்றி_வாழ்வோம்
No comments:
Post a Comment