அணுவை அறிவோம்

அண்டம் பிண்டம் அனைத்திலுமே
அணுவின் இருப்பே ஆதாரம்!
அணுவை ஆதியில் அறிந்தவர்கள்
அறிவில் சிறந்த தமிழர்களே!

ஐன்ஸ்டீன் கூறிய விஞ்ஞானம்!
பிரபஞ்ச ரகசிய மெய்ஞானம்!
அனைத்தும் அறிந்த சித்தர்களை
அகிலம் போற்றிட வேண்டாமா?!

அணுவின் புரோட்டான் எலெக்ட்ரான்கள்
சிவனின் லிங்கக் குறியீடே!
ஒளியின் வேகத் தாக்குதலில்
உட்கரு சக்தியாய் வெளிப்படுமே!

காலமும் தூரமும் மறைகின்ற
சாத்திரக் கதைகள் பொய்யில்லை
சார்பியல் கொள்கை விதிபோலே
பார்க்கும் கண்களே ஆதாரம்!

தூணிலும் துரும்பிலும் இருப்பதுபோல்
ஊனிலும் உயிரிலும் உறைகிறதே!
என்னிலும் உன்னிலும் இருக்கின்ற
அணுவே ஹரியென அறிந்திடுவோம்!