கண்ணனின் வாயினில் அண்ட சராசரம்
கண்டதும் தாயினுள் வந்த பரவசம்
என்னென சொல்வேனோ?!- அதை
எப்படிச் சொல்வேனோ?!
கோவிந்தன் குழலொலி ராகத்தைக் கேட்டதும்
கோபியர் நெஞ்சினுல் பூத்திடும் காதலை
என்னெனச் சொல்வேனோ?- அதை
எப்படிச் சொல்வேனோ?
கிருஷ்ணனின் சங்கொலி காதினில் வீழ்ந்ததும்
கிராதகன் துரியனின் சேனைகள் அதிர்ந்ததை
என்னெனச் சொல்வேனோ?- அதை
எப்படிச் சொல்வேனோ?
மாதவன் வாய்மொழி கீதையை கேட்டதும்
ஆதவன் போல்ஒளி மின்னிடும் ஞானத்தை
என்னெனச் சொல்வேனோ?- அதை
எப்படிச் சொல்வேனோ?
கேசவன் கையினில் சுழன்றிடும் சக்கரம்
கேடையம் ஆகியே காத்திடும் தர்மத்தை
என்னெனச் சொல்வேனோ?- அதை
எப்படிச் சொல்வேனோ?
ஒவியம்: நதியா நாகராஜ்
No comments:
Post a Comment