எதுத்தேதும் கேட்டாக்க
உள்ள வைக்கிறான்
எதையுமிங்கு கேட்கலைனா
ஏறி மேயிறான்...
#பாரி மன்னன் ஆண்ட மலை
பாரில் வீரம் காட்டும் மலை
ஈசன் கோவில் கொண்ட மலை
ஈதல் அறம் கூறும் மலை
பண்பாட்டைச் சொல்லும் மலை
பண் பாடும் பாணர் மலை
பறவை எல்லாம் வாழும் மலை
பறம்பு என்னும் பிரான் மலை
எங்க ஊரு ஊட்டி மலை
என்றும் வளம் உள்ள மலை
இந்த மலை வேணுமாடா உனக்கு
இன்னும் என்ன செய்ய போடுறீங்க கணக்கு
நம்ம தமிழ் நாகரிகம்
மண்ணின் உள்ளே தோண்டுகிறோம்
கண்ணு முன்னே நிக்கிறதக்
கண்டு கொண்டு தூங்குகிறோம்!
யானை பலம் என்ன வென்று
யானைக்கிட்ட சொல்லாமல்
பூனைபோல ஆட்டி வச்சு
யானைப் பாகன் ஆள்வதுபோல்
வந்து மேல ஏறிக்கிட்டு
வச்சு வச்சு செய்யுறீங்க
எங்க மலை வேணுமாடா உனக்கு
இன்னும் என்ன செய்ய போடுறீங்க கணக்கு
செ.இராசா
No comments:
Post a Comment