சூரியனைப் பூட்ட முடியுமா

சூரியனைப் பூட்ட முடியுமா- இல்லை
சூனியத்தைக் காட்ட முடியுமா?!
பேரியக்கம் தூங்க முடியுமா- இல்லைப்
பேரையாரும் கெடுக்க முடியுமா?!

ஒலியும் ஒலியும் சேர்ந்து தானே
மொழிகள் ஆனதன்று
மொழியும் மொழியும் சேர்ந்துதானே
மொழிகள் ஆனதின்று
பழைய மொழிகள் தின்றதாலே
புதிய மொழிகள் நூறு
புதிய மொழிகள் வந்தபோதும்
பழைய தமிழைப் பாரு...

இன்னும் இன்னும் புதுமையோடு
இளமை மிகுந்த தன்மை
எங்கும் இல்லை இனிமையோடு
எங்கள் மொழியின் தொன்மை

✍️செ.இராசா