விளங்காத தம்பி ஒருவன்
விளக்குமாறு பற்றி
விளக்குமாறு கேட்டதால் இங்கே
விளக்க விழைகிறேன்...
விளங்கினால் சொல்லுங்கள்
அழுக்கையும் குப்பையையும்
அள்ளிப் பெருக்கி
அசுத்தத்தை சுத்தமாக்கும்
அற்புத சாதனமே இந்த விளக்குமாறு!
என்னதான் ....
இயந்திரங்கள் வந்தாலும்
இங்கே...விளக்குமாறுபோல்
வேறு பொருள் கைகொடுப்பதில்லை...
தென்னை ஈச்சமெல்லாம் போய்
நெகிழி விளக்கமாறுகள் வந்தாலும்
விளக்கமாறே இல்லாமல்
வீடும் சுத்தமாவதில்லை
வீதியும் சுத்தமாவதில்லை...
எங்கள் இல்லத்தரசிகளின்
மூன்றாம் கையாக
இல்லை இல்லை....
எங்கள் இல்லத்தரசர்களின்
மூன்றாம் கையாக....
கூட்ட மட்டுமல்ல..
தாக்கவும் பயன்படுகிறது...
நறநறவென்று
பல்லைக் கடித்தவாறே....
விளக்குமாறு பிஞ்சு போகுமென்றால்;
அது வெறும் வருத்ததில் வரும் வார்த்தையல்ல
அடித்தே பிஞ்சுபோகுமென்ற
இடக்கரடக்கல் வாக்கியமே அது...
இங்கே விளக்கமாறுகள் எல்லாம்
வீட்டைக் கூட்ட மட்டும் அல்ல...
சில சமயங்களில்
நாட்டையும் கூட்டத்தான்..
என்ன அதற்கு
நிறைய கெஜ்ரிவால்கள் வேண்டும்...
குஜிலி வால்கள் அல்ல..
ஒன்றைப் புரிந்து கொள்ளுங்கள்..
மூலைக் கழிவையும்
மூளைக் கழிவையும்
விளக்கமாற்றால்தான்
விலக்க முடியும்....
ஆம்...
விளக்க(மான)மாற்றால்தான்
விலக்க முடியும்....
விளங்கினால் சரி!
செ. இராசா
No comments:
Post a Comment