நிக்காஹ் வாழ்த்துப் பாடல்

 

*நிக்காஹ் வாழ்த்துப் பாடல்*

*ஷாகுல் ஹமீது + அஃப்ரோஸ் பானு*

 

பல்லவி

 

ஆண்-1

 

பாசம் நேசம் மிக வாழ்வீரே...

பாவம் நீங்கும் நல்லருள் கிட்டும் துஆக்களாலே...

 

ஆண்-2

 

நபியின் வழியின் படி செல்வீரே...

நாளும் நாளும் நல்லறம் கிட்டும் துஆக்களாலே

 

ஆண்-1 &2:

 

பரக்கத்து செய்வான் அல்லாஹ்

படைத்தவன் அன்றோ அல்லாஹ்

தரத்தரத் தருவான் அல்லாஹ்

தடுப்பவன் யாரோ யல்லாஹ்.....(2)

 

சரணம்-1

 

ஆண்:

 

யாரையும் என்றும் புண்படப் பேசார் அதுதானெங்கள் ஷாகுல்..

சீண்டிடப் பார்க்கும் சிலரையும் கூட

சிரித்தேகடப்பார் ஷாகுல்..

 

பெண்:

 

யாரையும் வீணாய்க் கண்டிட மாட்டாள்

அதுதானெங்கள் அஃப்ரோஸ்....

சீண்டிட எண்ணும் சிலரையும் கூட

சிந்திக்கவைப்பாள் அஃப்ரோஸ்....

 

ஆண்:

 

நல்ல வழியில் நலமுடன் செல்ல நினைப்பவனெங்கள் ஷாகுல்...

செல்லும் முறையில் நேர்மை இருக்க

நினைப்பவனெங்கள் ஷாகுல்...

 

பெண்:

 

அண்ணல் வழியில் அறமுடன் செல்ல

துணையெனவருவாள் அஃப்ரோஸ்....

இல்லம் முழுதும் இறையருள் பெருக

இணையெனவருவாள் அஃப்ரோஸ்....

 

இருவரும்:

 

நன்மறை காட்டும் வழியினிலே

நல்லறம் சிறக்க வாழ்த்திடுவோம்....(2)

 

சரணம்-2

 

ஆண்:

 

உதவிகள் வேண்டி உரைத்திடும் முன்னே உதவிடும் குணவான் ஷாகுல்

உடன்வரும் பெண்ணை உயர்வாய் எண்ணி உயிரென மதிப்பான் ஷாகுல்

 

பெண்:

 

உறவென நாடி வருபவர் கண்டே உதவிட இணைவாள் அஃப்ரோஸ்

உளமுடன் என்றும் கணவரை எண்ணி கடமையில் வருவாள் அஃப்ரோஸ்

 

ஆண்:

 

அகத்தை நோக்கி ஆழம் சென்றால் புரியும் ஷாகுலின் பாசம்

அருகினில் இன்னும் நெருங்கிடும் போதே தெரியும் ஷாகுலின் நேசம்

 

பெண்:

முகத்தை மூடி பார்க்கிற போதும் தெரியும் உண்மையின் வாசம்

சகத்தில் எங்கோ இருக்கிற போதும் கவிக்கும் காதலர் தேசம்..

 

இருவரும்:

 

நன்மறை காட்டும் வழியினிலே

நல்லறம் சிறக்க வாழ்த்திடுவோம்...(2)

 

செ. இராசா