அகனதிகாரம் ---அகனார் அதிகாரம்

 

#அகனதிகாரம்
#அகனார்_அதிகாரம்
#இனிய_பிறந்தநாள்_வாழ்த்துகள்_மாமா

முகநூல் வழிவந்த முக்கிய நட்பில்
அகன்மாமா நற்குரு நட்பு
(1)

இலக்கணம் எல்லாம் இவர்வசம் என்றும்
இலவசம் ஆக்கினார் இங்கு
(2)

தமிழில் பிழையெனில் தன்வழிச் சொல்லி
உமிக்கும் தருவார் உயர்வு
(3)

சுட்டும் பிழைகள் சுறுக்கெனத் தைத்தாலும்
கொட்டும் கரம்யார் குரு
(4)

இருக்கிற போதே இவர்போல் கவிக்குத்
தருவோம் சபைமேல் தரம்
(5)

வெண்பா விளையாடும் வித்தகர் கூட்டத்தில்
பொன்போல் அகனார் புகழ்
(6)

கணம்கணம் கொட்டும் கவிதையில் கூடக்
குணம்மிகும் இல்லை குறை
(7)

ஆசுகவி என்றே அறிந்தவர் போற்றிடும்
பேசுகவி ஆசான் பெயர்
(

வாழ்த்த எனக்கோர் வயதில்லை என்றாலும்
வாழ்த்துதல் நற்றமிழ் மாண்பு
(9)

வாழ்க வளமுடன் வையகம் மாண்புற
வாழ்க தமிழுடன் நன்று!
(10)

செ. இராசா