நேரமில்லை நேரமில்லை நேரமில்லை

 #துள்ளலிசைப்_பாடல்

நேரமில்லை நேரமில்லை நேரமில்லை
நேரமில்லை நேரமில்லை நேரமில்லை

இணைய உலகத்துல எல்லாமே மாறினாலும்
இன்னும் இதைத்தானே எல்லோருமே சொல்லுறாங்க‌
பயண தொலைதூரம் பக்கத்துல வந்தாலும்
பார்க்க முடியலையாம் சொந்தபந்தம் சொல்லுறாங்க

நேரமில்லை....

பெருத்த TV பொட்டி சிறுசாக மாறிடுச்சு
சிறுத்த சீமாட்டி சிலிண்டரா மாறிடுச்சு
ஆட்டுக்கல் அம்மி அழிஞ்சே போயிடுச்சு
சேர்த்த நேரமெல்லாம் எங்கங்க போயிடுச்சு?!

நடக்கும் டிரட்மில்லு நடுவீட்டில் வந்திடுச்சு
கிடக்கும் துணியேறி எந்திரத்தில் குந்திடுச்சு
யோகா தியானங்கள் யூடிபில் ஏறிடுச்சு
வாகா வாட்சப்பில் வடைசுட்டுப் போட்டாச்சு

கடமை தவறாமல் காலையில எந்திரிச்சு
உடனே ஒழுங்காக ஓடமனம் சொல்லிடுச்சு
அடிச்ச கடிகாரம் அடிச்சடிச்சு பார்த்துடுச்சு
இடிச்ச புளிபோல இன்னைக்குந்தான் போயிடுச்சு..

சாரு ரொம்ப Busy....

செ. இராசா