#குறள்_அந்தாதி--உலக யோகா தின வாழ்த்துகள்

(1)
வாகாய் உடலை வளைந்(த்)திட வைக்கிற
யோகாக் கலையைப் படி!

(2)
படித்த கலையைப் பயிற்சிகள் செய்தே
துடிப்புள்ள ஆற்றல் பெறு!

(3)
பெறுகிற ஆற்றலைப் பேராற்ற லாக்கி
உறுதியாய் ஒன்றிலே செல்!

(4)
செல்கிற ஒன்றிலே சிந்தையும் ஒன்றினால்
வெல்வது நீயே உணர்!

(5)
உணர்வை அறிவால் ஒடுக்கும் திறனால்
குணத்தை உயர்த்த நினை!

(6)
நினைப்பை விழிப்பில் நிறுத்தும் திறனால்
முனைப்புடன் செய்வாய் வினை!

(7)
வினையின் பயனாய் விளையும் அதனால்
நினைவுடன் காரியம் செய்!

(8)
செய்வது எல்லாம் சிறப்பாய் இருந்திட
மெய்யான யோகம் பயில்!

✍️செ. இராசா