மீசை அரும்பும்போது
ஆசை வெடிப்பது காதலா ?- இல்லை
ஆசை அடங்கையிலும்
ஆத்மாவை நனைப்பது காதலா?
எது காதல்?
கண்கள் திங்கும்போது
நெஞ்சம் துடிப்பது காதலா?- இல்லைத்
தூரமாய்த் துஞ்சினாலும்
தூறலாய்ப் பொழிவது காதலா?
எது காதல்?
இளமைத் தூண்டும் போது
வளமையால் வளைப்பது காதலா?- இல்லை
முதுமை அழைத்தாலும்
முதலாய் நினைப்பது காதலா?
எது காதல்?.
தவறாகப் புரிந்து கொண்ட
சரியான சொல்லா காதல்- இல்லை
சரிபோல் தெரிகின்ற
தவறான புரிதலா காதல்?
எது காதல்?
வார்த்தைக்குள் ஒளிந்துள்ள
நேர்மறைப் பொருளா காதல்- இல்லை
வார்த்தைக்குள் அடங்காத
ஓர்-மறை உணர்வா காதல்?
எது காதல்?
--செ.இராசா
No comments:
Post a Comment