மையிருட்டில் பிறந்த மழலைக்கு
வைக்கின்ற பெயர் சிகப்பியாம்
வீட்டில் பொய்முகம்
சலுகைகள் நிறைய வருமென்றால்
சாதியின் பெயரை மாற்றுவானாம்
பள்ளியில் பொய்முகம்
பரீட்சைக்குத் தயாராய் வந்தாலும்
படிக்கவே இல்லை என்பானாம்
கல்லூரியில் பொய்முகம்
அனுபவம் இல்லை என்றாலும்
அனுபவ மிகுதிபோல் காட்டுவானாம்
அலுவலகத்தில் பொய்முகம்
எல்லா பழக்கமும் இருந்தாலும்
எந்த பழக்கமும் தெரியாதாம்
திருமணத்தில் பொய்முகம்
காசிற்கு ஓட்டை விற்றுவிட்டு
கையூட்டு அரசியல் என்பானாம்
வாக்காளரின் பொய்முகம்
சிந்தையில் பொய்யாய் வாழ்ந்துவிட்டு
சிவலோகப் பதவி அடைந்தானாம்
மரணத்தில் பொய்முகம்
#பொய்முகங்கள்
No comments:
Post a Comment