தறியில் நெய்ததை வெட்டி
தமிழன் கட்டினான் வேட்டி
தனியாய்த் தரணியில் காட்டி
தமிழனை உயர்த்திடும் வேட்டி
கோடையில் குளிர்தரும் ஊட்டி
வாடையில் நலந்தரும் வேட்டி
எங்கும் எவருக்கும் போட்டி
ஏனில்லை அதிலே வேட்டி?!
அன்னியர் உடையினைக் காட்டி
அழியுதோ நம்மிடம் வேட்டி?
வேற்றின உடைகளை ஓட்டி
கட்டுவோம் தமிழராய் வேட்டி!
உள்ளத்தில் மாண்பினைக் கூட்டி
உடுத்துவோம் தமிழராய் வேட்டி!
✍️செ. இராசா
No comments:
Post a Comment