என்ன விலை உடலே?!!!

ஒவ்வொரு மனிதர்களின்
ஒவ்வொரு உறுப்புக்கும்
ஒவ்வொரு விலை வைத்தால்
ஒவ்வொரு மனிதருமே
ஒவ்வொரு கோடீஸ்வரர்!

இருதயமும் கல்லீரலும்
இரண்டில் ஒரு சிறுநீரகமும்
ஒரு லட்சம் டாலர் முதல்
இரண்டு லட்சம் டாலர்களாம்.....
 
ஓடுகின்ற இரத்தமும்
ஊறுகின்ற விந்துவும்
பெண்ணின் கரு முட்டையும்
கண்ணின் இரு கார்னியாவும்
ஒவ்வொரு உறுப்புக்கும்
ஒவ்வொரு விலைவைத்தால்
முழு உடலின் மொத்தவிலை
மூன்று கோடி ரூபாய் முதல்
நான்கு கோடி ரூபாய்களாம்....

இத்தனை மதிப்புள்ள
உடலென்னும் பொக்கிஷத்தை
இனியும் கெடுக்காமல்
உடல்நலனைக் காத்திடுவோம்!

-----செ. இராசா-----