என்ன உலகமய்யா? என்ன மனிதரய்யா?
என்னே உலகமய்யா!! என்னே மனிதரய்யா!!!
ஒன்னும் குறையில்லை ஓய்...
என்னய்யா செய்கின்றீர்? எங்கேதான் கற்றீரோ?
என்னைப்போல் யாரய்யா இங்கு?
என்னம்மா செய்கின்றீர்!! எங்கேதான் கற்றீரோ?
என்போல் அறிவிலிதான் யார்?!
நான்யார் தெரியுமா? நானின்றி ஒன்றுமில்லை
நான்தான் அனைத்திலும் வான்
நான்யார் எனக்கேட்டால் நானெல்லாம் ஒன்றுமில்லை
வான்கீழ் சிறுதுளி நான்!
ஒன்றும் பயிலாமல் ஒப்பேத்த எண்ணிடுவோர்
என்ன கிழிப்பாரோ இங்கு?
ஒன்றும் பயிலாரும் உச்சத்தைத் தொட்டிடலாம்
என்றும் இறையருளால் இங்கு!
காசுபணம் உள்ளதெனில் காக்காவும் பேரழகே
காசுதான் எல்லோரின் கண்
காண்கின்ற கண்பொறுத்துக் காக்காவும் பேரழகே
காண்பதை நேர்மறையாய்க் காண்
No comments:
Post a Comment