குறள் வெண்பாவில்........கோபாலர்அதிகாரம்

 
#இனிய_பிறந்தநாள்_வாழ்த்துகள்_ஐயா

#குறள்_வெண்பாவில்
#கோபாலர்_அதிகாரம்

இனிய குறள்போலே எந்நாளும் வாழ
வணங்கி வழங்குகிறேன் வாழ்த்து
(1)

இராம கிருஷ்ணரை எப்போதும் போற்றும்
இராமசாமி கோபாலர் நீர்
(2)

மருத்துவச் சேவையை மார்க்கமாய் எண்ணும்
அருள்மிகு சேவகர் நீர்
(3)

வள்ளுவம் சொல்வதை வாழ்க்கையில் செய்திடும்
வள்ளுவ வாரிசும் நீர்
(4)

தன்கா குறுங்கவி தந்திடும் போதிலும்
வெண்பா படைப்பவர் நீர்
(5)

எத்தனை வேலை இருக்கிற போதிலும்
வித்தக நிர்வாகி நீர்
(6)

திரைப்படம் பார்த்ததைத் தித்திக்கும் பாங்கில்
உரைக்கும் விமர்சகர் நீர்
(7)

படித்தது போலவே பண்பாய் நடக்கும்
பிடித்த மனிதரும் நீர்
(8)

வடித்த கவியின் வரிகளைப் போற்றும்
பிடித்த இரசிகரும் நீர்
(9)

இதயம் முழுதும் இனிதே நிறைந்த
அதிசய நண்பரே நீர்
(10)

செ.இராசா

இனிய பிறந்தநாள் வாழ்த்துகள் ஐயா