தகதிமி தகதிமி ஆட்டம்-

தகதிமி தகதிமி ஆட்டம்- இது
தரிகிட தகதிமி ஆட்டம்!
அணுவிலே தொடங்கிய ஆட்டம்- இது
அண்டத்தில் ஆடிடும் ஆட்டம்!

சூனிய மாயையின் ஆட்டம்- இது
சூட்சம லோகத்தின் ஆட்டம்!
எங்கோ தொடங்கிய ஆட்டம்- இது
எங்கிலும் ஆடிடும் ஆட்டம்!

காண்போர் கண்டிடும் ஆட்டம்- இது
காணார் காணா ஆட்டம்!
துளியில் தொடங்கிய ஆட்டம்- இது
வளியில் ஆடிடும் ஆட்டம்!

அம்பல வாணரின் ஆட்டம்- இது
சம்பளம் வாங்கா ஆட்டம்!
கருவிலே தொடங்கிய ஆட்டம்- இது
இரவிலும் ஆடிடும் ஆட்டம்

✍️செ.இராசா