எப்ப வருவாயோ?! மச்சான்
எப்ப வருவாயோ?!
எப்ப வருவாயோ?! மச்சான்
எப்ப வருவாயோ?!
அன்னம் தண்ணி சேரவில்லை
ஆறு மாசம் ஆயிடுச்சு
படுத்தா தூக்கமில்லை...
படும்பாடு கொஞ்சமில்லை (எப்ப.....)
லெட்சுமி போட்ட கன்னு
இரண்டு கன்னு போட்டிருச்சு
வாங்கிய கடன்கூட
வட்டியும் குட்டியும் போட்டிருச்சு (எப்ப...)
அன்னியக் காச நம்பி
அயல்நாடு போன மச்சான்...
நம்ம..சோகம் மட்டும்
ஏன் மச்சான் தீரவில்லை? (எப்ப..)
வாழை போட்டோமுன்னா
வாழ வைக்கும் வாங்க மச்சான்...
வாழ்க்கை போச்சுதுன்னா
வந்து என்ன லாபம் மச்சான்?! (எப்ப..)
No comments:
Post a Comment