என்ன இது?!!!

பரிதியின் காதலில் முளைத்த
பால்ப்பருவா?- இல்லை
வெக்கையின் வேகத்தில் வெடித்த
வியர்க்குருவா?

தனக்காக காதல் சொல்லும்
பனித்துளிகளா?- இல்லை
சத்தமின்றி சமிக்ஞை செய்யும்
முத்துப்பற்களா?

அழகுக்கு அழகு கூட்டும்
வைரக்கற்களா?- இல்லை
யாரையோ குறி வைக்கும்
மாய முற்களா?

விண்ணை விட்டு இறங்கிவந்த
விண்மீன்களா?- இல்லை
தன்னை விட்டு வெளியேவந்த
வெண்மீன்களா?

என்ன இது?!!!

(நான் எடுத்த இந்தப் புகைப்படத்தைப் பார்த்தபோது தோன்றியது)