இந்த வெள்ளிக்குத்தான்
எத்தனைக் காரணப் பெயர்கள்?
இரண்டாம் கோளாய்
வெள்ளை வெளேரென
வளியில் உலா வருவதாலும்;
உலோக வரிசையில்
உயர்ந்த இரகமாய்
வெண்ணிற பொன்னென
வெள்ளியே இருப்பதாலும்;
வெள்ளியன்ற பெயர்
வெள்ளிக்கு வந்திருக்குமோ?!
ஜெர்மானிய தெய்வம் FRIGGம்
ரோமானிய தெய்வம் வீணஸும்
ஒன்றே என்பதுபோல்
FRIDAY வைக்குறிக்கும் வெள்ளியும்
வீணஸைக் குறிக்கும் வெள்ளியும்
ஒன்றாய் இருக்கலாமோ?!
சுக்ரவார் என்று கிழமையையும்
சுக்கிரன் என்று கிரகத்தையும்
வடமொழியும் குறிப்பதினால்
வெண்மை நிறமென்றும்
வெள்ளிக்கே பொருந்துமென்பது
மறுக்கமுடியா உண்மைதானே...!!
அதனால்தான் என்னவோ...?!
அத்தனை மதங்களுமே
வெள்ளியைக் கொண்டாடுகின்றனபோல..
ஆம்...
இந்த நாள்
ஆதாம் படைக்கப்பட்ட நாள்...
ஆண்டவர் இயேசு உயிர்நீத்த நாள்....
இஸ்லாமியரின் ஜூம்ஆ நாள்..
இந்துக்களின் விரத நாள்...
உண்மையில்...இந்த நாள்
அனைவருக்குமான புனிதநாள்...
வெள்ளி ஒளி பரவட்டும்.....
உள்ள ஒளி விரியட்டும்...
செ. இராசா
No comments:
Post a Comment