எட்டு மணிநேரம் என்பதே ரி

கூட்டணிக் கட்சிகளே கூப்பாடு போடுகையில்
ஏட்டிக்குப் போட்டியாய் ஏன்?!
(1)

உழைப்புச் சுரண்டலை ஊக்குவிக்கும் சட்டம்
இழைக்கும் விளைவென்ன எண்ணு?
(2)

விடியல் விடியலென வேண்டிவந்த பின்னர்
முடிவைத் தொடங்குவதா மாண்பு?
(3)

நேரத்தைக் கூட்ட நிறைவேற்றும் தீர்மானம்
யாருக்காய் இங்கே இயம்பு?!
(4)

திராவிட மாடலென செப்பியதன் பின்னர்
திராவகம் வீசலாமா செப்பு?!
(5)

உணவகத்தில் உள்ளோர் உழைக்கின்ற நேரம்
மணியெட்டைத் தாண்டும் தினம்
(6)

அங்காடி ஊழியர்கள் அத்தனை பேருக்கும்
எங்கய்யா எட்டுமணி இங்கு?
(7)

ஏற்கனவே நம்நாட்டில் எத்தனையோ மீறல்கள்...
ஏற்றாதீர் பாவம் இணைந்து!
(8)

அடித்துப் பிழைப்போரை ஆதரிப்பீர் என்றால்
வெடிக்கும் விளைவு விரைந்து!
(9)

உழைப்போர் சிலைவைத்த உன்னத நாட்டில்
பிழைப்போர் நிலையெண்ணிப் பேசு!
(10)

செ. இராசா