எல்லா ஊரும் எல்லா சனமும்
ஒன்றே என்றப் பரம்பரை பாரு.
போதும் போதும் என்கிற வரைக்கும்
நல்லுராசு ஐயா போல தருவது யாரு?!
எத்தனையோ கஷ்டத்திலும்
இல்லையினு சொன்னதில்லை...
எத்தனைபேர் எதுக்கயிலும்
எதிரியாக நினைச்சதில்லை....
சங்கத் தமிழன்- நம்ம
சிங்கத் தமிழன்
டெக்ஸாஸில் எல்லோரும் சொல்லும்பேரு....
நம்ம நல்லுராசு *அண்ணன்தான்* சூப்பர்ஸ்டாரு...
நைட் அன்ட் டே பார்க்காம உழைச்சாருங்க - இப்போ
நம்பர் ஒன் டிரெண்டிங்கே அண்ணன்தானுங்க...
தன்னைப்போல போராடும் சொந்தங்கள மறக்கல
அன்னைபோல உறவாண்ட
அண்ணங்கள உதறல
முட்டிமுட்டி ஜெயிச்சாலும்
வலியின்சுவடு மறையல
எங்கோபோன பின்னாலும்
இன்னும்குணம் மாறல
எட்டடி பத்தடி பாஞ்சாரு
எகிறி அடிச்சு வென்றாரு...
எப்படி இப்படி செஞ்சாரு
எதிரி வியக்க வச்சாரு
தட்டுங்க தட்டுங்க கைகளத் தட்டுங்க..
உலகம் அதிரட்டும்
சங்கம்செட்டி நாடென்றால்
சொல்லுறாங்க சூப்பரு!
பட்டிதொட்டி பாரெல்லாம்
ஃபேமஷான மேக்கரு!
நல்லுராசு *ஐயாதான்*
எல்லோருக்கும் மென்டரு (Mentor)
சொன்னபடி செய்வதுல
அண்ணன்தான்டா டக்கரு...
நெஞ்சுல பட்டதச் சொல்வாரு
நேருக்கு நேருதான் நிப்பாரு
அஞ்சிடக் கெஞ்சிட மாட்டாரு
அன்புல இன்னொரு தாயாரு
தட்டுங்க தட்டுங்க கைகளத் தட்டுங்க..
உலகம் அதிரட்டும்
டெக்ஸாஸில் ஜொலிக்கும் சங்கத்தமிழன்
ஊர்தாண்டி கலக்கும் நம்மத் தமிழன்
எல்லோர்க்கும் பிடிச்ச எங்கத்தமிழன்
நல்லோர்க்கு *சிவமான* அன்புத்தமிழன்
வாழ்வாங்கு வாழ வாழ்த்திடுவோம்
ஆராத்தி எடுங்க ஆராத்தி
நம்ம நல்லுராசு ஐயாவ பாராட்டி
ஆராத்தி எடுங்க ஆராத்தி
நம்ம ஐயாவ எல்லோரும் பாராட்டி
தட்டுங்க தட்டுங்க கைகளத் தட்டுங்க..
உலகம் அதிரட்டும்
தலைக்கனம் இல்லாத் தலைவன் பாரு
தனித்துவம் உள்ளத் தமிழன் பாரு!
சமத்துவம் கண்ட தோழன் பாரு!
தருவதில் இன்றைய கர்ணன் பாரு!
உழைக்கிற வர்க்கம் அனைவரையும்
ஒன்னாப் பார்க்குற மனிதருங்க.....
தனக்கெனத் தனியா ஒதுக்காம சரிசமம் காட்டுற புனிதருங்க...
அதையிதைச் சொல்லிக் காட்டாம அமைதியா கடக்குற புத்தருங்க...
கதைபல சொல்லிக் அளக்காம கவிதையா சிரிக்கிற சித்தருங்க...
செ. இராசா
No comments:
Post a Comment