ஊருக்குப்போயிவந்து இரண்டரை வருடங்களுக்குமேல் ஆகிவிட்டதால் பயணப் பெட்டிகள் எல்லாம் சும்மாவே உறங்கிக் கொண்டுதான் இருந்தது. இப்போது அதற்கு வேலை கொடுக்கலாம் என்று நினைத்தால் அவைகள் அனைத்திலும் இருந்த பூட்டுக்களின் இரகசிய எண்கள் (NUMBERED LOCK) எல்லாம் மறந்தேவிட்டது. சரி என்ன செய்யலாம் என்று நினைந்து நானும் என் பையனும் முயற்சி செய்துபார்த்தால் ஒன்றுமே எடுபடவில்லை. சரி வேறு வழியின்றி 001, 002, 003.....என்று 700 வரை போயிவிட்டோம்....என்னடா இது முடியவே இல்லை கைகளும் வலிக்கிறது. சரி வலைத்தள உதவியை நாடலாம் என்று பையனிடம் சொன்னேன். உடனே YOU TUBE சென்று 5 நிமிடங்களில் தீர்வு கண்டான்.
அதாவது
அந்த எண்கள் இருக்கும் இடத்தில் வெளிச்சம் அடித்தான். ஊசிமுனை அளவே உள்ளத்
துளைகள் வரும்வரை மூன்றையும் சுற்றினான். பின்னர் மேலும் இரண்டு எண்கள்
சுழற்றினால் பூட்டு திறந்துவிட்டது. அப்படியே அனைத்து பூட்டுக்களையும்
திறந்து விட்டான். அட..... இதிலிருந்து தெரிவது என்னவென்றால், இங்கே
எல்லாவற்றிற்குமே தீர்வுண்டு. மேலும் பெரியவர் சிறியவர்களிடம் சேர்ந்து
பிரச்சினைகளைக் கையாண்டால் சுலபமாக அந்தத் தீர்வைக் கண்டுகொள்ளலாம் என்பதே.
சரிதானே உறவுகளே!
அப்பசரி..
செ. இராசா
No comments:
Post a Comment