பாதை போகும் பாதையில

 

பாதை போகும் பாதையில நானும் போகுறேன்...

பள்ளம் மேடு இரண்டிலையும் பார்த்துப் போகுறேன்..

 

வேகம் வேகம் வேகம்

வேகம்போகும்போது

வேகத்தடை வந்தா

விவேகத்தோட போனும்...

தூரம் தூரம் தூரம்

தூரம் போகும்போது

தொல்லையேதும் வந்தா

துடைச்சு எறிய வேணும்...

 

(பாதை போகும்)

 

தெளிவாத் தெரியும் பாதையில

....வேகம் போகலாம்

தெரியாத பாதையினாப்

.....பார்த்துப் போகனும்

வெளிச்சம் இருக்கும் நேரத்துல

.....வேகம் போகலாம்

இருட்டான நேரத்துல

.....பார்த்துப் போகனும்.

 

வளைஞ்சு நெளிஞ்சு போவதால

.. உடம்பு களைச்சுப் போகும்‌..

இடையில் நிறுத்தி ஓய்வெடுத்துக்

...களைப்பப் போக்க வேணும்..

குதிச்சு குதிச்சுப் போவதால

.. மூட்டுக் தேயக் கூடும்....

தினமும் பயிற்சி செய்வதால

...தேகம் இரும்பா மாறும்..

 

(பாதை போகும்)

 

செ. இராசா