அஞ்சு கணவர்கள்

 

அஞ்சு கணவர்கள் உண்டென்ற போதிலும்

....ஆனதைக் கண்டீரே- யாவும்

....போனதைக் கண்டீரே-சூதை

அஞ்சி மறுக்கிறோம் என்கின்ற போதிலும்

.....ஏற்றிட மாட்டீரோ?- சூதைத்

.....தூற்றிட மாட்டீரோ?

 

எஞ்சி இருக்கிற கொஞ்சோண்டு கோமணம்

.....கண்களை உறுத்துதோ?- இல்லை

.... நெஞ்சினை வருத்துதோ?- சூதின்

வஞ்ச சகுனியர் வாழ்கின்ற நாடென

.....மாற்றிட வந்தீரோ?!- சூதைப்

.....போற்றிட வந்தீரோ?!

 

செ. இராசா

 

(மதுபோல் சூதுவும் சமூகநோய்க் காரணிகளே....யாரும் அரசியல் சப்பைக்கட்டுகள் கட்ட வேண்டாம்)