பஞ்ச பூதங்களில் எமை
அஞ்ச வைத்த அருவ பூதமே
கெஞ்சிக் கேட்கிறோம்
கொஞ்சமேனும் கருணை காட்டு
கஜாவால் கதறினோம்
காட்டுத்தீயால் பதறினோம்
வெள்ளத்தால் மிதந்தோம்
பூகம்பத்தால் மிரண்டோம்
ஆனாலும்...
உன் உறவுகள் எல்லாம்
உனைப்போல் இல்லையே...
நீ மட்டும் ஏன்
மாயோனாய் இருந்து
மாயஜாலம் செய்கிறாய்?!
மயான அமைதி தந்து
மௌனமாக்கிவிட்டாயே...
மண்டியிட்டுக் கேட்கிறோம்
மாயமாகிவிடு...
தயாள குணம் கொண்டு
தாயாகிவிடு...
வளி வழி வந்த அரூப பூதமே
வலி ஒலி தராமல் விலகிடு
கை வழிப் பரவும் கோப பூதமே
மெய்யாய்ப் பணிகிறோம் விலகிடு
🙏🙏🙏🙏🙏
✍️செ. இராசா
No comments:
Post a Comment