தஞ்சம் சென்ற இடத்தினிலே
மஞ்சம் போட்டு படுத்துறங்கி
நெஞ்சம் எல்லாம் பகைமையிலே
கொஞ்சம் கூட கருணையின்றி
வஞ்சம் வலை விரிச்சவங்க!
லஞ்சம் தந்து மறைச்சவங்க!
படிப்பு வாசம் இல்லாமலே
நடிப்பு வேசம் போடுறாங்க!
பதவிப் போதை பார்க்கனும்னு
உதவிப் பாதை தேடுறாங்க!
சிதறிக் கூட்டம் போகுமோன்னு
பதறிப் போயி துடிக்கிறாங்க!
கட்டுக்கட்டா பணத்த இறைச்சி
குண்டுகட்டா ஆளத் தூக்கி
பட்டிதொட்டி தேடி தேடி
வெக்கம்கெட்டு ஓடுறாங்க!
✍️செ. இராசமாணிக்கம்
No comments:
Post a Comment