பாடகர்கள்: அக்பர், இன்பக்கலில் மற்றும் ZEE தமிழ் புகழ் ஷியாமலா
இசையமைப்பாளர்: விஜய் சங்கர்
எழுதியவர்: Raja Manickam
தயாரிப்பாளர்: அக்பர்
ஷாகுல் ஹமீது + அஃப்ரோஸ் பானு
ஆண்-1
பாசம் நேசம் மிக வாழ்வீரே...
பாவம் நீங்கும் நல்லருள் கிட்டும் துஆக்களாலே...
ஆண்-2
நபியின் வழியின் படி செல்வீரே...
நாளும் நாளும் நல்லறம் கிட்டும் துஆக்களாலே
ஆண்-1 & 2:
பரக்கத்து செய்வான் அல்லாஹ்
படைத்தவன் அன்றோ அல்லாஹ்
தரத்தரத் தருவான் அல்லாஹ்
தடுப்பதும் கொடுப்பதும் அல்லாஹ்.....(2)
ஆண்:
யாரையும் என்றும் புண்படப் பேசார் அதுதானெங்கள் ஷாகுல்..
சீண்டிடப் பார்க்கும் சிலரையும் கூட
சிரித்தேகடப்பார் ஷாகுல்..
பெண்:
யாரையும் வீணாய்க் கண்டிட மாட்டாள்
அதுதானெங்கள் அஃப்ரோஸ்....
சீண்டிட எண்ணும் சிலரையும் கூட
சிந்திக்கவைப்பாள் அஃப்ரோஸ்....
ஆண்:
நல்ல வழியில் நலமுடன் செல்ல நினைப்பவனெங்கள் ஷாகுல்...
செல்லும் முறையில் நேர்மை இருக்க
நினைப்பவனெங்கள் ஷாகுல்...
பெண்:
அண்ணல் வழியில் அறமுடன் செல்ல
துணையெனவருவாள் அஃப்ரோஸ்....
இல்லம் முழுதும் இறையருள் பெருக
இணையெனவருவாள் அஃப்ரோஸ்....
இருவரும்:
நன்மறை காட்டும் வழியினிலே
நல்லறம் சிறக்க வாழ்த்திடுவோம்...(2)
ஆண்:
உதவிகள் வேண்டி உரைத்திடும் முன்னே உதவிடும் குணவான் ஷாகுல்
உடன்வரும் பெண்ணை உயர்வாய் எண்ணி உயிரென மதிப்பான் ஷாகுல்
பெண்:
உறவென நாடி வருபவர் கண்டே உதவிட இணைவாள் அஃப்ரோஸ்
உளமுடன் என்றும் கணவரை எண்ணி கடமையில் வருவாள் அஃப்ரோஸ்
ஆண்:
அகத்தை நோக்கி ஆழம் சென்றால் புரியும் ஷாகுலின் பாசம்
அருகினில் இன்னும் நெருங்கிடும் போதே தெரியும் ஷாகுலின் நேசம்
பெண்:
முகத்தை மூடி பார்க்கிற போதும் தெரியும் உண்மையின் வாசம்
சகத்தில் எங்கோ இருக்கிற போதும் கவிக்கும் காதலர் தேசம்..
இருவரும்:
நன்மறை காட்டும் வழியினிலே
நல்லறம் சிறக்க வாழ்த்திடுவோம்..(2)
செ. இராசா
No comments:
Post a Comment