புத்தகம்

 #புத்தகம்

சிலருக்கு இரவில் மட்டும் தேவைப்படும்
தூக்க மாத்திரை..
சிலருக்கு எப்போதும் தேவைப்படும்
ஞான யாத்திரை...

இவள்...
எத்தனைபேர் தொட்டாலும்
எப்போதும் மாறா
புண்ணியவதி!
யாருமே தொடாவிட்டாலும்
யாருக்கோ காத்திருக்கும்
சத்தியவதி!

இவன்....
இருந்த இடத்திலேயே
கடந்தகாலம் செல்லும்
கால இயந்திரம்!
எழுத்தின் மூலமாகவே
மனத்திரையில் ஓடும்
ஞான இந்திரியம்!

உண்மையில்...
அமைதியாய் ஆர்ப்பரிக்கும்
பேராழி!
ஆர்ப்பரிப்பை தூண்டிவிடும்
போராளி!

நிமிர்ந்தவரை பணிய வைக்கும்
நிலைப்படி!
குனிந்தவரை நிமிர வைக்கும்
குணப்படி!

படி...
அதுவே உனக்கான படி....