பாடல்: #ஹரிவராசனம்_விஸ்வமோகனம் (அதே மெட்டில்)

 

 பாடல்: #ஹரிவராசனம்_விஸ்வமோகனம்

(அதே மெட்டில் முடிந்தவரை தமிழில் மொழி பெயர்த்து எழுதியுள்ளேன்)

அரியணைமேலே அமர்ந்தருள்தரவே
அரிதப்பரியிலே உலவிடும் குருவே
எதிரிநடுங்கவே நடனம் புரியவே
அரிஅரமகனே அடைகிறோம் சரணே

சரணம் ஐயப்பா சுவாமி சரணம் ஐயப்பா
சரணம் ஐயப்பா சுவாமி சரணம் ஐயப்பா

சரணகோசமே மகிழ்வின்வாசமே
அகிலமியங்கவே அணுவிலாடவே
ஆதவனொளியே ஐம்பதிவரவே
அரிஅரமகனே அடைகிறோம் சரணே

மெய்ப்பொருளுருவே உயிர்களின்திருவே
வருபவர்வரவே தருகிறதருவே
ஓமெனும் வடிவே ஒலிக்கிறஇசையே
அரிஅரமகனே அடைகிறோம் சரணே

அகிலஉலகமே ஆள்கிற இறையே
அரனின்விழியிலே ஐயனின்ஒளியே
குருவெனவரவே கொடைதருமருளே
அரிஅரமகனே அடைகிறோம் சரணே

பயபாவம்களைந்தே காக்கிறவுறவே
புவனமுணரவே பூசிடும்நீறே
வாரணமதிலே வருகிறமதியே
அரிஅரமகனே அடைகிறோம் சரணே

முருகனின் அழகே முறுவலின் எழிலே
இளமையின் இருப்பே இனிமையின் ருசியே
அரிபரிகளிறே அமர்கிறசபையே
அரிஅரமகனே அடைகிறோம் சரணே

அடிகள்நேசனே அருளும்ஈசனே
மறைகள்வாசனே தாசர்தாசனே
கோச நேசனே ராக ராஜனே
அரிஅரமகனே அடைகிறோம் சரணே

--செ. இராசமாணிக்கம்