தவநெறி

அகத்தில் அமைதி அமர்ந்திட வேண்டும்

ஆத்மா எதுவென ஆய்ந்திட வேண்டும்

இதயம் இறைப்பேர் இசைந்திட வேண்டும்

ஈசன் அளித்ததை ஏற்றிட வேண்டும்

உட்பொருள் கண்டிடும் உள்ளொளி வேண்டும்

ஊன்றித் தெளிகிற ஓர்மையும் வேண்டும்

எதுவரை யாதென எண்ணிட வேண்டும்

ஏனெனக் கேள்வி எழுப்பிட வேண்டும்

ஐயங்கள் இன்றி அறிந்திட வேண்டும்

ஒருவழிப் பாதையில் ஓங்கிட வேண்டும்

ஓரிறை உண்மை உணர்ந்திட வேண்டும்

ஔடதம் வேண்டிடா ஆனந்தம் வேண்டும்

அஃதே இலக்கென்ற ஆழ்மனம் வேண்டும்

 

செ. இராசா