வெண்பா உரையால் ----------- கரு கொரானாவுடன் உரையாடல்

 

இராசமாணிக்கம் மனிதர் தரப்பிலிருந்தும் அகரம் அமுதன் கொரோனா தரப்பிலிருந்தும் நிகழ்த்திய வாத வெண்பாக்கள்....

 

இராசமாணிக்கம்:

வாழ்த்தெல்லாம் கூறி

........வரவேற்ற எங்கள்மேல்

காழ்ப்புணர்ச்சி கொண்டாக்

.......கடுப்பேற்றிச் - சூழ்கின்றாய்

புத்தாண்டு வந்தாக்க

......போவேன்னு பார்த்தாக்க

வெத்தாத் திரிவதேன் வென்று!

(1)

 

வென்று- வட்டார வழக்கில் வெண்ணெய்

 

அகரன் அமுதன்:

வென்றுன்னா திட்ற?

வெறும்பய(ல்)ன்னா குட்ற? நான்

நின்றுவிளை யாடறத

நீபாரேன்; - இன்றுமுதல்

ஒங்கயெல் லாரையும்

உண்டில்ல என்றாக்கித்

திங்கத்தான் போறேன்

செதச்சு!

(2)

 

இராசமாணிக்கம்:

சிதைச்சிரு வாராம்ல*....

.......செஞ்சிடுவோம் வச்சுச்

சிதைக்கிறது யாருன்னு

.......செத்த** - இதைக்கேளு

மூன்றாம் அலையில்

.......முடிச்சிடுவோம் உன்கொட்டம்

நான்காம் அலையில்லை நம்பு!

(3)

 

வாராம்ல- மதுரை வழக்கு

செத்த- சற்றே

 

அகரம் அமுதன்;

பாடாப் படுத்தட்டா?

பாடம் நடத்தட்டா?

கோதாவில் நானிறங்கிக்

குத்தட்டா? - வாடா!வா!

நாலாம் அலையில்ல

நானூறும் நான்வருவேன்

'காலா'நான் ஆகிவிட்டேன்

காண்டு!

(4)

 

இராசமாணிக்கம்:

சும்மா இருக்காம

.......சுத்தித் திரிஞ்சீன்னா

கம்முன்னு தூங்கவொன்னும்

......கைலாஷா- அம்பியில்லை

ஃபாரின் பறந்தாலும்

........பட்டிதொட்டி போனாலும்

நேரில் சுளுக்கெடுப்போம் நில்லு!

(5)

 

அகரம் அமுதன்;

பூஸ்ட்டெல்லாம் போட்டதார்?

பொந்துள் ஒளிந்ததார்?

மாஸ்க்கெல்லாம் மாட்னதார்

மாணிக்கா! - ஈஸ்ட்டுவெஸ்ட்டு

நார்த்து சவுத்தெல்லாம்

நான்தானே ஆள்கிறேன்

பார்த்துப் படுத்துறேன்

பாடு!

(6)

 

இராசமாணிக்கம்:

எத்தனை பேரோட

........எப்படிநீ வந்தாலும்

அத்தனை பூஸ்டரா

........அங்கங்கே- வித்திடுவோம்

உன்னைப் படைச்சதே

.......உங்கப்பன் நான்தானே

என்ன பெருசா இளிப்பு?!

(7)

 

அகரம் அமுதன்;

மாஸ்க்கநீ மாட்டிக்கோ;

வீட்டநீ பூட்டிக்கோ;

டாஸ்க்குநீ வெக்காத

தாவிக்கோ; - கோஸ்ட்டுநான்

கொன்றுவேன் பாத்துக்கோ

குச்சிஐஸ் போலெலும்ப

மென்றுவேன் பாத்துக்கோ

மேன்!

(8.)

 

இராசமாணிக்கம்;

சானிடைசர் போட்டுன்னை

....சாகடிச்சுப் பார்த்தாலும்

தீனிதிங்கும் பேய்போல

...திங்கவந்தாய்- மேனியை

ஊருவிட்(டு) ஊருபோயி

....ஊறுசெய்யும் உன்னைய

யாருவந்து கொல்லுவரோ இங்கு?!

(9)

 

அகரம் அமுதன்;

இப்ப உணர்வெழுதா?

எம்மேல் பயமெழுதா?

தப்புநீங்க செய்ய நேக்கு

தண்டனையா; - கப்சிப்னு

லாக்டவுனில் பிந்திருந்தா

வால்சுருட்டிக் குந்திருந்தா

சோக்காநான் காட்டுவேனா

சூர்!

(10)

 

இராசமாணிக்கம்;

கண்ணில் தெரியாக்

......கடவுள்போல் நீயிருந்து

வண்ணங்கள் பாராமல்

.....வந்தவுன்னை- எண்ணுகையில்

நன்றாய்ப் புரிகிறது

......நாடிவந்த காரணங்கள்

இன்னலில் தானே இறை!

(11)

 

அகரம் அமுதன்;

மாஸ்க்கை இறைவனுக்கும்

மாட்டிவிட்டீர்; நீங்களெல்லாம்

பூஸ்டை எடுத்தெடுத்துப்

போட்டுவிட்டீர்; - வேஸ்டினிமேல்

இங்கேயே நானிருந்தால்

என்வயிறு தான்காயும்

எங்கேணும் போறேன்

எழுந்து!

(12)

 

இராசமாணிக்கம்!

போய்வாரும் சாமி

......பொழப்பெல்லாம் போயிடுச்சு

நாய்போல வாழ்விப்போ

.....நாராசம்*- ஆய்டுச்சு

பூஸ்டரே போட்டாலும்

.....போகநீ மாட்டாயோ

காஸ்ட்லிக் கிருமியே கோ(Go)

(13)

 

நாராசம்- சென்னை வழக்கு- கெட்டு

 

அகரம் அமுதன்:

போசொன்னால் போவேனா?

பூஸ்ட்டர்க்கே சாவேனா?

நீசொல்லி நான்இங்கே

நிற்பேனா? - யார்சொல்லும்

ஏறேதே என்செவியில்;

வாராதே என்வழியில்;

மீறாதே எல்லை;

விலகு!

(14)

 

இராசமாணிக்கம்:

ஆக்கிய எம்மால்

.........அழிக்கத் தெரியாதா?!

பாக்கியே இல்லாமல்

........பக்காவாய்த்- தூக்கட்டா

கொஞ்சநாள் போனபின்

........கொன்றுலாம்னு பார்த்தாக்க

அஞ்சாமல் போற அடங்கு!

(15)

 

அகரம் அமுதன்;

தூணிலும் நானே

துரும்பிலும் நானே நீ(ர்)

வீணிலும் வீணே

விழுங்குகிறேன்; - மானிடர்

தேவையில்லா ஆணி

செருப்பொட் டியசாணி;

பூவைப்பாழ் செய்த

புழு!

 

பூ - உலகம்.

(16)

 

இராசமாணிக்கம்;

புழுசாணி என்றாப்

........புறம்பேசு கின்றாய்

அழுக்கான உம்மை

........அழிக்க- எழுந்தோம்

இழுக்காக எண்ணி

......இனியாட வேண்டாம்

முழுமையாய் வைப்போம் முடிவு!

(17)

 

அகரம் அமுதன்;

கேக்கல; கொஞ்சம்நீ

கிட்டக்க வந்துபேசு

பாக்கலாம்; என்ன?

பயம்வருதா? - தீக்க என்னைத்

தேடவெல்லாம் வேணாம்;

தெருமுனைக்கு வாதம்பி

ஓட விடுறேன்

உனை!

(18)

 

இராசமாணிக்கம்:

ஒசாமா நிலையென்ன

..........ஓரமா யோசி

நிசாமா* நினைச்சாக்க

.........நில்நீ- அசால்டா

தெரியுமா யாருனு?!

.......தீர்த்திடுவோம் போபோ

சரியா வரலைன்னா சாவு!

(19)

 

நிசாம்- நிஜாம் (பெரிய ஆளா)

 

அகரம் அமுதன்:

நானே பெருநோயி

நானூறு கால்பேயி

பேனேபோல் என்னைப்

பெயர்ப்பாயா? - சீனேநீ

போடாமல் வீட்டுக்குள்

பொட்டிப்பாம் பானீன்னா

ஏடா!நான் காண்பேன்

இறப்பு!

(20)

 

இராசமாணிக்கம்:

டீலொன்று போட்டுத்தான்

....டீட்டெய்லாப் பேசினோம்!

காலன்நீ; காப்போன்நான்;

....கைகுலுக்கிப்- பாலமிட்டோம்!

பாரம் குறைந்தபின்னும்

....பாரிலென்ன வேலையினி?!

ஓரம் ஒதுங்கில்லை ஓடு!

(21)

 

அகரம் அமுதன்:

பூமி சுத்தம் ஆனபின்பே

போவேன்; அதுவரைக்கும்

சாமி மீது ஆணையும்மைச்

சாகடிப்பேன்; - தீ மிதிச்சித்

தேரிழுத்தா மாய்வேனா?

தெண்டனிட்டா ஓய்வேனா?

ஃபாரினும்என் முன்வாங்கும்

பல்பு!

(22)

 

இராசமாணிக்கம்;

பூச்சாண்டி காட்டாமல்

......போய்விடுநீ சீக்கிரமா!

மூச்சுமுட்டி மூச்சுமுட்டி

......மூக்கெல்லாம்- காச்சிடுச்(சு)

ஏற்கனவே போர்பூசல்

.......ஏராளம் இங்கிருக்க

சீற்றமுற வேண்டாம் சினந்து!

(23)

 

அகரம் அமுதன்:

கொஞ்சநாள் இங்கிருந்து

கொன்னுட்டுப் போயிடுறேன்

கெஞ்சிநீ கேட்டா

கிளம்பிடுறேன் - அஞ்சாம

ஆட்டம்நீ போட்டீன்னா

ஆப்புவெக்கப் பாத்தீன்னா

மாட்டேன்நான் போக

மறுத்து!

(24)

 

இராசமாணிக்கம்:

காரியமா?..வீரியமா?!

.... கண்மூடி யோசிச்சா

காரியம்தான் நிற்கிறது

....கண்முன்னே- சாரி*யம்மா

போய்வான்னு சொன்னாக்க

.....போனதுபோல் வந்திடுவ

போய்த்தொலைன்னு வாழ்த்துகிறேன் போ!

(25)

 

*Sorry

 

அகரம் அமுதனுடன் &

செ‌. இராசமாணிக்கம்