மாகவியைப் போற்றுவோம்

 

 #மாகவியைப்_போற்றுவோம்

மரபை உடைத்தெறிந்த மாகவியைப் போற்ற
மரபின் உடைநெய்தேன் நான்
(1)

முண்டாசு கட்டிய முற்போக்கு நற்கவியின்
கண்ணாடி கொண்டிங்கு காண்
(2)

நண்பனா காதலியா நற்குருவா பாரதி-யார்?!
கண்திறக்க வைக்கும் கவி
(3)

கவியாய்க் கவித்த கவியல்ல ஐயா
கவியென்றே வாழ்ந்த கவி
(4)

ஓடி விளையாட ஓதிய பாரதியைத்
தேடிப் படித்துத் தெளி
(5)

பாரதியின் பேரால் பலவர்ணச் சான்றிதழ்கள்
பாரதியம் உள்ளதா பார்
(6)

உயர்வென்றும் தாழ்வென்றும் உள்ளத்தில் எண்ணார்
உயர்ந்தோரில் உச்சம் உணர்
(7)

சாதியம் இல்லையென சத்தியம் செய்துவிட்டு
சாதிக்குள் பார்ப்பார் கிளை
(

முன்னிலும் இப்போதே மூட்டுகிறார் சாதியத்தீ
என்செய்வோம் பாரதி இன்று?!
(9)

ஒற்றைத் திரௌபதிக்காய் உன்குரல் ஓங்கியும்
கற்றைத் திரௌபதிகள் காண்
(10)

செ. இராசா