ஐம்பொறி அடக்கு

 #ஐம்பொறி_அடக்கு
#வள்ளுவர்_திங்கள்_122

#கண்
காணொளியில் மட்டுமே காட்சியைப் பார்க்காமல்
வானொலியைக் கொஞ்சம் வணங்கு

#காது
இயந்திர ஓசைகள் எப்போதும் ஏனோ
இயற்கையொலி கேட்பாய் இசைந்து

#மூக்கு
அரபி திரவியத்தை அள்ளி இடாமல்
சிரமேற்கும் மல்லி சிறப்பு

#வாய்ச்_சுவை
துரித உணவால் துயரப் படாமல்
உரிய உணவினை உண்

#வாய்ச்_சொல்
எண்ணிய வேகத்தில் எப்போதும் பேசாமல்
நுண்மாண் நுழைபுலத்தில் நில்

#மெய்
குளிரூட்டி உள்ளேயே குன்றுதல் நீக்கி
வெளியேற்று நீர்;வியர் வை

#ஐம்பொறி_அடக்கு
இயற்கை வழியிலே எப்போதும் சென்றால்
இயற்கையே தந்திடும் கை

அடக்க நினைத்தால் அடங்க மறுக்கும்
அடங்கிட வேண்டின் அறி

ஐம்பொறி பற்றி அறிவுடன் ஆய்ந்திட
ஐந்தையும் வெல்லும் மனம்

#வள்ளுவ_வழி

வள்ளுவம் சொல்லும் வழியினைப் பற்றுவோர்
வெல்வது நிச்சயம் பார்!

செ. இராசா