எதிர்பாரா நேரத்தில்
எதிரே நிற்கின்ற வேகத்தடை...
நிகழ்காலம் விடுக்கின்ற
எதிர்கால எச்சரிக்கை; அல்லது
இறந்த காலத் தீர்மானம்...
சிலருக்கு வாழ்வின்
திருப்புமுனை!
சிலருக்கு வாழ்வில்
திரும்பா வினை!
இது
காலன் விடும்
வக்கீல் நோட்டீஸ்! அல்லது
காலம் உணர்த்தும்
வாழ்வியல் எத்திக்ஸ்!
முன்பே தகவல் சொல்லா
அழையா விருந்தாளி!
வந்தபின்னோ?!
உடன் உரைக்கும்
உடன் பங்காளி!
பிடித்த எண்;
108
பிடித்த பானம்;
குளுக்கோஸ்
அப்போதைய தெய்வம்;
மருத்துவர்
அப்போதும் அச்சுறுத்துவது;
காசு பணம் துட்டு
மிஞ்சுவது;
வலியும்
விடுவும்
அறிவது?!
யார் நம்மவர்!
தெளிவது?!
யார் நாம்?!
இப்படிக்கு,
விபத்து
செ. இராசா
No comments:
Post a Comment