சமயம்

 #சமயம் சார்ந்த பதிவை
சமயம் பார்த்து பதிவிடும்
சமய வாதியா நான்?!
ஆம்..சமயம் பற்றிப் பதிவிடும்
சமயவாதியே நான்..
இந்த சமயம் பற்றிய பதிவை
சமயம் இருந்தால் படியுங்களேன்

இந்த சமயம்
இதற்கான சமயம்
அந்த சமயம்
அதற்கான சமயம்
இப்படி சமயத்தை எப்படி வகுப்பதென
எல்லா சமயங்களும் சொன்னாலும்
இந்த சமயம் பற்றிப்புரிய
நமக்குத்தான் சமயமே இல்லைபோல..

நேற்றைய சமயம் நேற்றோடு
நாளைய சமயம் நாளைக்கு
இன்றைய சமயம் இப்போது..

இந்த சமயத்தை
இப்போதுள்ள சமயத்தை; ஏன்
ஒவ்வொரு சமயத்தையும் ருசித்து
ஒவ்வொரு சமயத்திலும் வாழ்ந்தால்
எல்லா சமயமும்
நல்ல சமயமே......

செ.இராசா