இன்னும் ஓட வாழ்த்துகின்றேன்

கடந்து போகும் வாழ்க்கையிலே
காட்சியாய் நிற்போர் சிலர்
கானலாய் மறைவோர் பலர்

அகநூலில் பதிந்தோரை
அப்படியே எழுதுவது
முகநூலில் எப்போதும்
முடியாத காரியமே...

ஆச்சரியப் பூச்சொரியும்
எத்தனையோ உறவுகளில்
பிலிப்பினோ சந்தோசும்
பிரியமான நண்பராவார்

அறுபத்து ஐந்திலும்
அடங்காத வேகத்தில்
ஓய்வே இல்லாது
ஓடுகின்ற மனிதரிவர்...

என் அப்பா ஓய்வெடுத்து
எத்தனையோ வருடமாச்சு
என்னப்பா வயதோடு- இவர்
என்னோடு ஓடுகின்றார்- அட
என்னமாய் ஓடுகின்றார்?!!!!!!!

இன்னும் ஓட வாழ்த்துகின்றேன்.