#ஆராய்ச்சியில்_நான்

அம்மாவுக்கும் அப்பாவுக்கும்
நல்ல மகனே நான்- ஆனால்
மகனுக்கும் மகளுக்கும்
நல்ல அப்பாவா நான்?!

உண்மையான நண்பருக்கு
நல்ல நண்பனே நான்- ஆனால்
உரித்தான மனைவிக்கு
நல்ல நண்பனா நான்?!

நிறுவன மேலாளருக்கு
நல்ல ஊழியனே நான்- ஆனால்
கீழ்நிலை ஊழியர்களுக்கு
நல்ல மேலாளரா நான்?!

இறைவனிடம் எப்போதும்
யாசித்தவனே நான்- ஆனால்
யோசிக்காமல் எப்போதும்
கொடுத்தேனா நான்?!

மற்றோரின் பாராட்டில்
மகிழ்ந்தவனே நான்- ஆனால்
மற்றோரைப் பாராட்டி
மகிழ்ந்(வித்)தேனா நான்?!

#ஆராய்ச்சியில்_நான்