கற்கின்ற போதெல்லாம் கல்லாமை கண்டறிந்தால்
கற்பதற்(கு) இல்லைக் கதவு
(1)
எல்லாமும் கற்றவராய் எப்போதும் சொல்பவரைக்
கல்லாரில் முன்வைப்பர் காண்
(3)
கற்றுவிட்டேன் என்றுவொன்றைக் காட்ட முயலும்முன்
பற்றிவரும் மற்றொன்று பார்
(4)
கற்றதைக் கற்றபின்னும் கற்றதுபோல் நில்லாதோர்
கற்றவருள் நிற்கின்ற கல்
(5)
இல்லாமை உள்ளவரை ஈகையும் உள்ளதுபோல்
கல்லாமை உள்ளவரைக் கல்
(6)
கிணற்றுத் தவளைபோல் கீழ்நிற்க வேண்டாம்
மணம்பரப்ப மேலேறி வா!
(7)
பட்டம் பதவியெனப் பற்றமட்டும் கல்லாமல்
வட்டத்தின் விட்டத்தை மாற்று
(8)
மதிப்பெண்ணை வைத்து மதிக்கின்ற போக்கால்
மதிப்பின்றி போகும் மதி
(9)
ஒன்றின்பின் ஒன்றாய் ஒருவாறு சென்றால்தான்
ஒன்றேனும் கற்றிடலாம் ஓர்ந்து
(10)
செ. இராசா
