விடுமுறை

விடுகதை வினவிடும் வாழ்வில்- மனம்
விடைபெற விடுமுறை வேண்டும்!
விடுதலை வேண்டிடும் வாழ்வில்- மனம்
விடுபெற விடுமுறை உதவும்!

ஓடிடும் உழைத்திடும் எவர்க்கும்- மனம்
ஒய்வுற விடுமுறை வேண்டும்!
ஓதிடும் உரைத்திடும் நபருக்கும்- மனம்
ஓங்கிட விடுமுறை உதவும்!

சுற்றுலா சென்றிடும் பொழுதில்- மனம்
சுதந்திரம் அடைந்ததாய் உணரும்!
காட்சிகள் மாறிடும் கணத்தில்- மனம்
காட்டிடும் கவிதையாய் விரியும்!

வருடா வருடம் வரினும்- மனம்
விடுமுறை தினத்தால் மகிழும்!
வாரா வாரம் வரினும்- மனம்
விடுமுறை வந்தால் குளிரும்!